امرتسر۔ 18 جون (اے پی پی)مودی حکومت 29 جون کوں مہاراجہ رنجیت سنگھ دی برسی وچ شرکت کیتے سکھ یاتراں کوں پاکستان آوݨ توں روک ݙتا اے۔ کشمیری میڈیا سروس موجب شرومنی گوردوارہ پربندھک کمیٹی (ایس جی پی سی) دے عہدیدار ہربھجن سنگھ وکٹا امرتسر وچ ذرائع ابلاغ دے نمائنداں کوں ݙسایا جوا اساں ایں دورے کیتے 249 پاسپورٹ درخواستاں ݙتیاں ہن تاں جو اساں کوں آپݨے پاسپورٹ واپس گھنݨ تے مجبور کیتا گیا۔ ایس جی پی سی ہر سال سکھ یاتراں کوں مذہبی دوریاں کیتے پاکستان بھیجدی اے۔ انہاں وچوں ہک دورہ مہاراجہ رنجیت سنگھ دی برسی کیتے ہوندے جو 29 جون کوں منائی ویندی اے۔ بھارت ولوں سفری پابندیاں دی وجہ توں ایں واری یاتری نہ آ سگسن۔ گزریل سال پاکستان مہاراجہ رنجیت سنگھ دی برسی وچ شرکت کیتے 509 بھارتی سکھاں کوں ویزے جاری کیتے ہن۔
