واشنگٹن۔ 2 جولائی (اے پی پی) امریکی صدر ڈونلڈ ٹرمپ اتے اسرائیلی وزیراعظم بنیامین نیتن یاہو 7 جولائی کوں واشنگٹن وچ غزہ وچ جنگ بندی بارے ملاقات کریسن۔ رائٹرز دے مطابق امریکی صدر ڈونلڈ ٹرمپ دی ترجمان کیرولین لیوٹ ݙسیا جو اسرائیلی وزیراعظم بنیامین نیتن یاہو دے ہک معتمد رون ڈرمر واشنگٹن پڄن جتھاں او ممکنہ طور تے جنگ بندی تے گالھ مہاڑ کریسن۔انہاں آکھیا جو اسرائیل دے سٹریٹجک افیئرز دے وزیر رون ڈرمر وائٹ ہاؤس وچ امریکی حکام نال ملاقاتاں کریسن۔ امریکی اہلکار ݙسیا جو نیتن یاہو اڳلے ہفتے واشنگٹن آسن اَتے 7 جولائی کوں امریکی صدر نال ملاقات کریسن۔ ٻیا ݙسیا ڳیا جو توقع اے جو ݙوہیں رہنما ایران، غزہ، شام اَتے ݙوجھے علاقائی چیلنجز تے گالھ مہاڑ کریسن۔
