اسلام آباد۔ 3 جولائی (اے پی پی) وفاقی وزیر انفارمیشن ٹیکنالوجی و ٹیلی کمیونیکیشن شزا فاطمہ خواجہ ہدایت کیتی اے جو ساریاں ذیلی کمیٹیاں اتے وزارت آئی ٹی دے ذیلی ادارے سہ ماہی بنیاداں تے ڈیجیٹل صنفی شمولیت حکمت عملی دے تحت رپورٹ جمع کراون، اساݙے کے پی آئیز (KPIs) نتیجے و ثمرات تے مبنی ہووݨے چاھیدن اَتے ہر ہدف کیتے واضح ڈیڈ لائنز مقرر کیتیاں ونڄن۔ اے ڳالھ انہاں سٹیرنگ کمیٹی ڈیجیٹل صنفی شمولیت دے ݙوجھے اجلاس دی صدارت کریندے آکھی۔ اجلاس وچ ڈیجیٹل صنفی شمولیت حکمت عملی تے عملدرآمد دا تفصیلی جائزہ ڳِھدا ڳئے۔شزا فاطمہ خواجہ آکھیے جو وزیراعظم دے ڈیجیٹل وژن دا محور جامع صنفی ڈیجیٹل سوسائٹی دی تشکیل اے، جی ایس ایم اے (GSMA) رپورٹ موجب پاکستان وچ موبائل انٹرنیٹ جینڈر گیپ 38 فیصد توں گھٹ تھی تے 25 فیصد رہ ڳئے، تریمتاں دے موبائل انٹرنیٹ استعمال وچ 33 فیصد توں ودھ تے 45 فیصد تئیں ودھارا تھئے ۔ انہاں آکھیا جو وزیراعظم شہباز شریف دے رمضان پیکج دے تحت 8 لکھ تریمتاں کیتے ڈیجیٹل والٹس دا کامیاب پائلٹ منصوبہ ہئی، ݙیجیٹل والٹ منصوبے نال مالی شمولیت اَتے تریمتاں دی بااختیاری وچ نمایاں بہتری آئی۔وفاقی وزیر ہدایت کیتی جو ساریاں ذیلی کمیٹیاں اتے وزارت آئی ٹی دے ذیلی ادارے سہ ماہی بنیاداں تے ݙیجیٹل صنفی شمولیت حکمت عملی دے تحت رپورٹ جمع کراون، اساݙے کے پی آئیز نتیجے تے ثمرات تے مبنی ہووݨے چاھیدن اَتے ہر ہدف کیتے واضح ڈیڈ لائنز مقرر کیتیاں ونڄن۔ شزا فاطمہ خواجہ آکھیا جو تریمتاں متعلق خرچے وچ واضح ودھارا ضروری اے تاں جو حقیقی تبدیلی ممکن ہووے، اے صرف پالیسی یا اجلاس دی ڳالھ کائںی بلکہ جݙاں ہک تریمت بااختیار بݨدی اے تاں اوں دا اثر صرف اوں دی ذات تے نی بلکہ پورے خاندان تے پوندے ۔ انھاں آکھیا جو چیئرمین پی ٹی اے صنفی شمولیت دے سفیر ہن۔ انھاں پی ٹی اے سیکرٹریٹ دیاں کوششاں دی تعریف کیتی ۔ اجلاس وچ چیئرمین پی ٹی اے، یونیسکو، جی ایس ایم اے، جی ڈی آئی پی (GDIP)، آئی ایس او سی (ISOC)، ایپک (EPIC)، این سی ایچ آر (NCHRD)، این سی ایس ڈبلیو (NCSW)، جاز، لمز، ایچ ای سی (HEC)، پی ٹی اے، ادارہ شماریات پاکستان اَتے وزارت وفاقی تعلیم دے نمائندیں شرکت کیتی۔
