مقبوضہ بیت المقدس۔ 12 جولائی (اے پی پی) اقوام متحدہ آکھیا جو غزہ اچ راشن ڳھنݨ کیتے کھڑے بندیاں تے اسرائیلی فورسز فائرنگ کیتی جئیں اچ 10 فلسطینی شہید تھی ڳئے، چھ ہفتیاں اچ ایں مد اچ شہادتاں دی مجموعی تعداد تقریباً 800 تئیں پڄ ڳئی اے۔ فرانسیسی خبر رساں ادارے (اے ایف پی) غزہ دی سول ڈیفنس ایجنسی بارے ݙسایا جو گزریل ݙینھ جنوبی شہر رفح دے نیڑے امداد تقسیم کرݨ دی ہک ڄاہ تے 10 فلسطینیاں کوں فائرنگ کر تے شہید کر ݙتا ڳیا۔ اسرائیلی فوج ݙسایا جو اوں اموات بارے ولا ولا سامݨے آوݨ آلی خبراں دے بعد آپݨے فوجیاں کیتے نویں ہدایتاں جاری کیتن۔
