بارش اچ شہریاں کوں آوݨ ونڄݨ اچ سہولت ݙیوݨ پہلی ترجیح اے: سپیشل سیکرٹری ہاؤسنگ

APP10-150725 MULTAN: July 15 - A view of the historical Tomb of Hazrat Shah Rukn-e-Alam under overcast sky conditions as dark monsoon clouds loom over the city, bringing a pleasant change in weather. APP/QSM/MAF/FHA

ملتان ۔15 جولائی (اے پی پی) سپیشل سیکرٹری ہاؤسنگ جنوبی پنجاب رانا سلیم احمد خان منگل دے ݙینھ ملتان اچ تھیوݨ والی موسلا دھار بارش اچ چونگی نمبر 9 ڈسپوزل سٹیشن دا دورہ کیتا۔ ایں موقع تے انہاں پاݨی دی نکاسی دے عمل دا جائزہ گھدا اتے آکھیا جو بارش اچ سسٹم دی بحالی کوں یقینی بݨایا ونڄے تاں جو بارش دے پاݨی نال پیدا تھیوݨ آلے مسئلیاں نال نبڑیا ونڄ سڳے۔ رانا سلیم احمد خان آکھیا جو شہریاں کوں آوݨ ونڄݨ اچ سہولت ݙیوݨ پہلی ترجیح اے، وزیراعلیٰ پنجاب دیاں ہدایات دے مطابق شہریاں کوں فوری ریلیف ݙیوݨ سانگے ڈسپوزل سٹیشناں کوں مکمل فعال رکھیا ویندا پئے۔

متعلقہ مضامینمصنف کی طرف سے مزید