ریاض ۔30جولائی (اے پی پی) سعودی عرب برطانوی وزیراعظم کیئر سٹارمر دے فلسطینی ریاست کوں تسلیم کرݨ دے ارادے اتے ݙو ریاستی حل دی حمایت دے اعلان دا خیرمقدم کیتے۔ ایس پی اے موجب وزارت خارجہ ہک بیان اچ بین الاقوامی برادری اتے امن پسند ملکاں تے ول زور ݙتا جو او بین الاقوامی قرارداں تے عملدرآمد کیتے سنجیدہ اقدامات کرن۔ اے قرارداں فلسطینی عوام دے ایں پیدائشی حق کوں …
برطانیہ دا فلسطینی ریاست کوں تسلیم کرݨ دا اعلان، سعودی عرب دا خیر مقدم
ریاض ۔30جولائی (اے پی پی) سعودی عرب برطانوی وزیراعظم کیئر سٹارمر دے فلسطینی ریاست کوں تسلیم کرݨ دے ارادے اتے ݙو ریاستی حل دی حمایت دے اعلان دا خیرمقدم کیتے۔ ایس پی اے موجب وزارت خارجہ ہک بیان اچ بین الاقوامی برادری اتے امن پسند ملکاں تے ول زور ݙتا جو او بین الاقوامی قرارداں تے عملدرآمد کیتے سنجیدہ اقدامات کرن۔ اے قرارداں فلسطینی عوام دے ایں پیدائشی حق کوں تسلیم کریندن جو او 1976 دی سرحداں تے ہک آزاد ریاست قائم کرن جئیں دا دارالحکومت مشرقی بیت المقدس ہووے۔ یاد رہوے جو برطانیہ دے وزیراعظم کیئر سٹارمر منگل کوں کابینہ کوں ݙسیا جو انہاں دا ملک فلسطین کوں ریاست دے طور تے تسلیم کر ڳھنسی۔ فلسطین کوں ریاست تسلیم کرݨ دا ویلھا آ ڳئے۔ غزہ دی صورتحال نہ بدلی تاں برطانیہ ستمبر اچ فلسطین کوں ریاست تسلیم کر ڳھنسی۔ وزیراعظم کیئر سٹارمر دا آکھݨ ہا جو اگر اسرائیل جنگ بندی اتے ݙو ریاستی حل تے پیش رفت نہ کیتی تاں برطانیہ دا اے فیصلہ نافذالعمل ہوسی۔
