اسلام آباد۔11اگست (اے پی پی) وفاقی وزیر برائے خزانہ تے محصولات سینیٹر محمد اورنگزیب نال پاکستان اچ ترکمانستان دے سفیر اتاجان موولاموف سنوار کوں وزارتِ خزانہ اچ ملاقات کیتی۔ وزارت خزانہ ولوں جاری بیان موجب ملاقات اچ ݙو پاسہ دلچسپی دے معاملیاں تے گالھ مہاڑ کیتی ڳئی، خاص طور تے تجارت، کاروبار اتے سرمایہ کاری کوں ودھاوݨ تے توجہ ݙتی ڳئی۔ سینیٹر محمد اورنگزیب ترکمانستان نال تعلقات ٻیا مضبوط بݨاوݨ …
وفاقی وزیر خزانہ محمد اورنگزیب نال ترکمانستان دے سفیر دی ملاقات، تجارت، کاروبار اتے سرمایہ کاری ودھاوݨ تے گالھ مہاڑ
مزید خبراں
اسلام آباد۔11اگست (اے پی پی) وفاقی وزیر برائے خزانہ تے محصولات سینیٹر محمد اورنگزیب نال پاکستان اچ ترکمانستان دے سفیر اتاجان موولاموف سنوار کوں وزارتِ خزانہ اچ ملاقات کیتی۔ وزارت خزانہ ولوں جاری بیان موجب ملاقات اچ ݙو پاسہ دلچسپی دے معاملیاں تے گالھ مہاڑ کیتی ڳئی، خاص طور تے تجارت، کاروبار اتے سرمایہ کاری کوں ودھاوݨ تے توجہ ݙتی ڳئی۔ سینیٹر محمد اورنگزیب ترکمانستان نال تعلقات ٻیا مضبوط بݨاوݨ کیتے پاکستان دے پکے عزم دا اعادہ کیتا اتے آکھیا جو گزریل سال اچ ݙوہاں ملکاں وچال کئی اعلیٰ سطح دے وزارتی دورے تھین۔ اتاجان موولاموف پاکستان کوں ترکمانستان دا تجارت تے سرمایہ کاری دا ہک اہم شراکت دار اتے ݙو پاسہ تے بین الاقوامی تجارت کیتے ہک اہم رستے دے طور تے قرار ݙیندیں ہوئیں ایں شراکت داری کوں ترکمانستان دی خاص ترجیح قرار ݙتا۔ ملاقات اچ توانائی، ٹرانسپورٹ اتے تعمیرات دے شعبیاں اچ سانجھے منصوبے اتے تعاون دے موقعاں تے وی گالھ مہاڑ تھئی۔ ترکمانستان دے وزیر برائے خزانہ تے معیشت مامّتگُلی آستاناگُلوف ولوں سفیر اتاجان موولاموف سینیٹر محمد اورنگزیب کوں ترکمانستان انویسٹمنٹ فورم اچ شرکت دی دعوت ݙتی۔ اے فورم وسط ستمبر اچ اشک آباد اچ تھیسی اتے اے تقریب ترکمانستان دی آزادی دی 34ویں سالگرہ دی تقریبات دے نال جڑی ہوسی۔
