سرینگر۔15اگست (اے پی پی) جموں تے کشمیر ڈیموکریٹک فریڈم پارٹی آکھیا جو کنٹرول لائن دے ݙوہیں پاسے اتے پوری دنیا اچ رہݨ آلے کشمیری اڄ بھارت دے یوم آزادی کوں یوم سیاہ دے طور تے منیندے پئن تانجو مادر وطن تے بھارت دے غیر قانونی قبضے دے خلاف احتجاج ریکارڈ کرایا ونڄ سڳے۔ کشمیر میڈیا سروس موجب جموں تے کشمیر ڈیموکریٹک فریڈم پارٹی دے ترجمان ایڈووکیٹ ارشد اقبال بھارت کوں …
کشمیری اڄ بھارت دے یوم آزادی کوں یوم سیاہ دے طور تے منیندے پئن
سرینگر۔15اگست (اے پی پی) جموں تے کشمیر ڈیموکریٹک فریڈم پارٹی آکھیا جو کنٹرول لائن دے ݙوہیں پاسے اتے پوری دنیا اچ رہݨ آلے کشمیری اڄ بھارت دے یوم آزادی کوں یوم سیاہ دے طور تے منیندے پئن تانجو مادر وطن تے بھارت دے غیر قانونی قبضے دے خلاف احتجاج ریکارڈ کرایا ونڄ سڳے۔ کشمیر میڈیا سروس موجب جموں تے کشمیر ڈیموکریٹک فریڈم پارٹی دے ترجمان ایڈووکیٹ ارشد اقبال بھارت کوں غاصب قرار ݙیندیں ہوئیں آکھیا جو بھارت کوں جموں تے کشمیر اچ آپݨا یوم آزادی مناوݨ دا کوئی حق نئیں کیوں جو ایں لکھاں کشمیری کوں انہاں دے بنیادی حقوق توں محروم اتے کشمیری عوام دی مرضی دے خلاف جموں تے کشمیر تے غیر قانونی طور تے قبضہ کیتا ہوئے۔ انہاں آکھیا جو مودی دی فسطائی بھارتی حکومت ولوں بھارت دے غیر قانونی زیر تسلط جموں تے کشمیر دے جبری الحاق ہک واری ول بھارت دی نوآبادیاتی، آمرانہ اتے فسطائی ذہنیت کوں بے نقاب کر ݙتے۔ بھارتی قیادت ولوں کشمیریاں کوں انہاں دا پیدائشی حق خودارادیت ݙیوݨ دے وعدیاں دا حوالہ ݙیندیں ہوئیں انہاں افسوس کیتا جو بھارت کشمیریاں نال کیتے ڳئے آپݨے وعدیاں توں منکر تھی ڳئے جو ایں دے قائدین بین الاقوامی سطح تے کشمیری عوام نال کیتے ہن۔
