سپیکر قومی اسمبلی دا باجوڑ اچ ریسکیو آپریشن اچ شریک ہیلی کاپٹر حادثے تے افسوس

اسلام آباد۔15اگست(اے پی پی)سپیکر قومی اسمبلی سردار ایاز صادق باجوڑ اچ ریسکیو آپریشن اچ ودھے ہیلی کاپٹر کوں پیش آوݨ آلے حادثے تے افسوس کریندے قیمتی جاناں دے نقصان تے افسوس کیتے۔ اپݨے سنیہے اچ انہاں آکھیا جو اپݨی جان خطرے اچ پا تے امدادی سرگرمیاں اچ حصہ گھنݨ آلے قوم دے حقیقی ہیروز ہین، قوم اپݨے انہاں ہیروز دی خدمات کوں کݙاہیں وی نا ٻھلسی۔ سپیکر قومی اسمبلی ہیلی کاپٹر حادثے اچ شہید تھیوݨ آلے اہلکاراں دے گھر آلیاں نال دلی ہمدردی کیتی اتے آکھیا جو ایں ݙکھ اچ سوگوار خانداناں دے نال ہیں۔ سپیکر قومی اسمبلی اللہ تعالیٰ توں شہیداں کیتے مغفرت اتے لواحقین کیتے صبر جمیل دی دعا کیتی۔