عطاء اللہ تارڑ دا این اے 66 ضمنی انتخابات کیتے بلال فاروق تارڑ دی ن لیگ دے امیدوار دے طور تے نامزدگی تے اظہارتشکر

اسلام آباد۔16اگست (اے پی پی) وفاقی وزیر اطلاعات و نشریات عطاء اللہ تارڑ بلال فاروق تارڑ دی حلقہ این اے 66 (پنجاب) دے ضمنی انتخابات کیتے مسلم لیگ (ن) دے امیدوار دے طور تے نامزدگی تے سوشل میڈیا پلیٹ فارم ایکس تے شکر دا اظہار کیتے۔ وفاقی وزیر اطلاعات آپݨی پوسٹ اچ آکھیے جو اللہ تعالیٰ دا شکر اے، اساں ایں رب دے سامݨے سجدہ کریندوں ۔ اساں آپݨے قائد میاں محمد نواز شریف اتے وزیراعظم شہباز شریف دے دلوں شکر گزارہیسے، پارٹی اساں تے جیں اعتماد دا اظہار کیتے، ایں تے پورا لہݨ دی بھرپور کوشش کریسوں اتے ساریں کوں نال ڳھن تے چلسوں ۔ پارلیمانی بورڈ دے سارے ارکان دا شکریہ۔ اے ٹکٹ پارٹی اتے پارٹی دے کارکناں دی امانت اے۔ انشاء اللہ وفاداری نال بھرپور محنت کریسوں۔