لودھراں دے نیڑے ریل گاݙی پٹڑی توں لہہ ڳئی، ہک بندہ جاں بحق، 33 زخمی

اسلام آباد۔17اگست(اے پی پی) لودھراں دے نیڑے ریل گاݙی پٹڑی توں لہہ ونڄݨ پاروں ہک بندہ جاں بحق، جݙاں جو 33 زخمی تھی ڳئن۔ لودھراں دے نیڑے ہک ریل گاݙی دیاں چار ٻوگھیاں پٹڑی توں لہہ ڳئیاں، جئیں پاروں ہک بندہ فوت تھی ڳئے جݙاں جو 32 بندے زخمی تھئن۔ ریسکیو حکام موجب حادثہ کراچی باؤنڈ دی بریک لڳݨ پاروں پیش آئے۔ لودھراں ریلوے اسٹیشن دے نیڑے عوام ایکسپریس فیل تھی ڳئی جئیں پاروں پٹڑی توں لہہ ڳئی۔ جئیں دے نتیجے وچ 33 مسافر زخمی تھئن۔ اطلاع ملݨ تے ریسکیو 1122 دیاں ٹیماں موقع تے پڄ ڳئیاں اتے ریسکیو آپریشن کیتا۔ آپریشن ٹیماں 11 مسافراں کوں ابتدائی طبی امداد ݙتی اتے 22 ٻئے لوکاں کوں ڈسٹرکٹ ہیڈ کوارٹر (ڈی ایچ کیو) ہسپتال لودھراں منتقل کیتا جتھاں ہک مسافر زخماں دی تاب نہ جھلیندے فوت تھی ڳئے