رحیم یارخان، لیاقت پور اچ ٻئے ضلعیں توں امدادی مشینری اتے اہلکار طلب کر ڳھدے ڳئن، کمشنر بہاولپور

رحیم یارخان۔ 09 ستمبر (اے پی پی) کمشنر بہاولپور مسرت جبین سیلاب توں متاثرہ موضع نور والا پُڄ ڳئی، ڈپٹی کمشنر خرم پرویز دے رَلے سیلاب اچ پھتے لوکاں کوں ریسکیو کرݨ دے عمل کوں مانیٹر کیتا۔ تحصیل لیاقت پور دے ݙو مواضعات دے بہوں سارے ڳڑھ اچ سیلابی پاݨی آ ڳئے۔ کمشنر بہاولپور دے مطابق ٻئے ضلعیں توں اضافی امدادی مشینری اتے ریسکیو اہلکار لیاقت پور طلب کر ڳھدن۔ دریائے سندھ اچ 7 لکھ 81 ہزار 986 کیوسک دا سیلابی ریلا ویندا پئے۔ سیلاب اچ ڳھرے ہوئے لوکاں کوں محفوظ جہیں تے منتقل کرݨ ترجیح اے۔ اڄوکے سیلاب ضلع دے 56 مواضعات کوں متاثر کیتے۔ ڈپٹی کمشنر خرم پرویز بریفنگ ݙیندیں ہوئیں ݙسایا جو سیلاب اچ پھتے 64 ہزار 982 متاثرین کوں ریسکیو کیتا ڳئے ۔ نشیبی علاقیں توں 62 ہزار توں ودھ لائیوسٹاک محفوظ جہیں تے منتقل کیتے ڳئن۔ ضلع دے 12 فلڈ ریلیف کیمپس اچ 2 ہزار 636 سیلاب متاثرین قیام کیتے ہوئن۔ ݙفلڈ اینڈ ریسکیو آپریشن اچ 58 کشتیاں حصہ ڳھندی پئن۔