پاک فوج، ریسکیو 1122 اتے پولیس سیت پور اچ ہݨ تئیں 2000 توں ودھ لوکاں کوں ریسکیو کیتے، ترجمان پولیس

مظفرگڑھ۔ 09 ستمبر (اے پی پی) چھل دے ریلے اچ شدت، ڈی پی او سید غضنفر علی شاہ دی ہدایت تے سیت پور اچ وݙا ریسکیو آپریشن جاری اے۔ پولیس ترجمان دے مطابق ڈی پی او دی ہدایت تے مظفرگڑھ دی تحصیل علی پور دے چھل توں ٻہوں متاثر علاقے سیت پور اچ پولیس ہک درجن توں ودھ کشتیاں دے نال ریسکیو آپریشن اچ مصروف اے۔ پاک فوج، ریسکیو 1122 اتے پنجاب پولیس ہݨ تئیں 2 ہزار توں ودھ لوکاں کوں ریسکیو کیتے۔ پولیس ترجمان دے مطابق ڈی پی او دی ہدایت تے پولیس سیت پور اچ ٻئے اداریاں دے نال رَل تے شہریاں کیتے ٻہو سارے وسائل دے نال ریسکیو آپریشن جاری رکھیسی۔