رحیم یار خان، بیٹ ظاہر پیر دے نشیبی علاقیاں توں عوامی انخلا دا آپریشن شروع کر ݙتا ڳیا، ڈپٹی کمشنر

رحیم یار خان ۔ 11 ستمبر (اے پی پی) ضلعی انتظامیہ دی سیلاب توں متاثرہ علاقیاں اچ امدادی سرگرمیاں جاری ہن، ڈپٹی کمشنر خرم پرویز موضع طیب بلوچ اتے گل محمد لنگاہ ریلیف کیمپس دا دورہ کیتا، سیلاب متاثراں کوں خیمیاں اچ ݙیوݨ آلی سہولتاں اتے کھاوݨ دے معیار دا جائزہ گھدا، ڈپٹی کمشنر دی زیر نگرانی بیٹ ظاہر پیر اچ نشیبی علاقیاں توں عوامی انخلا دا آپریشن شروع کر ݙتا ڳئے۔ تحصیل لیاقت دے پنج مواضعات دے دیہات سیلاب نال شدید متاثر تھین۔ ڈپٹی کمشنر دے مطابق 90 فیصد آبادی کوں متاثرہ علاقیاں توں ریسکیو کر گھدا ڳئے۔ 10 فیصد آبادی اتے انہاں دے نال مال مویشیاں کوں ریسکیو کرݨ دا آغاز کر ݙتا ڳئے۔ سیلاب ضلع دے 95 دیہاتاں اچوں 59 کوں متاثر کیتے۔ 74 ہزار لوکاں کوں محفوظ مقامات یا فلڈ ریلیف کیمپس اچ منتقل کیتا ڳئے۔ خرم پرویز دے مطابق 65 ہزار لائیو سٹاک کوں محفوظ مقام تے منتقل کیتا ڳئے۔ فلڈ ریلیف کیمپس، منچن بند اتے بئے مقامات تے آباد سیلاب متاثراں کوں انتظامیہ ترائے ویلھے کھاوݨ ݙیندی پئی اے۔