پاک فوج دی کاروائی، ضلع مستونگ اچ بھارتی حمایت یافتہ دہشت گرد گروہ “فتنتہ الہندوستان” دے 4 سرگرم دہشت گرد ہلاک

راولپنڈی ۔12 ستمبر(اے پی پی)پاک فوج خفیہ اطلاع تے سخت کاروائی کریندے بلوچستان دے ضلع مستونگ اچ بھارتی حمایت یافتہ دہشت گرد گروہ “فتنتہ الہندوستان” دے 4 سرگرم دہشت گرداں کوں ہلاک کر ݙتے۔ آئی ایس پی آر دے مطابق سکیورٹی فورسز بلوچستان دے ضلع مستونگ اچ خفیہ اطلاع تے کاروائی کیتی، جتھاں بھارتی پراکسی گروہ “فتنہ الہندوستان” دے دہشت گرداں دی موجودگی دی اطلاع ملی ہئی۔ فورسز دہشت گرداں دے ٹھکانے کوں موثر انداز اچ نشانہ بݨایا جیندے اچ فائرنگ دے بعد بھارت دے سہولت یافتہ چار دہشت گرد ہلاک تھی ڳئے۔ کاروائی اچ اسلحہ، گولہ بارود اتے بارودی مواد وی برآمد کیتا ڳیا۔ ہلاک دہشت گرد علاقے اچ کئی دہشت گردی دیاں سرگرمیاں اچ ملوث ہن۔ علاقے کوں کلیئر کرݨ کیتے سینیٹائزیشن آپریشن جاری اے۔