دوحہ۔15ستمبر(اے پی پی)وزیراعظم محمد شہباز شریف اسرائیلی جارحیت دے خلاف قطر نال یکجہتی ݙکھیندے اقوام متحدہ اچ اسرائیل دی رکنیت معطل کرݨ دی تجویز دی حمایت کریندے آکھیے جو اسرائیل ولوں عالمی قوانین کوں تروڑݨ قابل مذمت اے۔ دوحہ اچ ہنگامی عرب اسلامی سربراہ اجلاس نال خطاب اچ وزیراعظم آکھیا جو اڄ اساں ہک ٻئے افسوسناک واقعے دے بعد کٹھے تھئے ہیں، اسرائیل ساݙے برادر ملک قطر دی خود مختاری …
وزیراعظم دی اسرائیلی جارحیت دے خلاف قطر نال یکجہتی، اسرائیل دا عالمی قوانین کوں تروڑݨ قابل اقدام قرار
مزید خبراں
دوحہ۔15ستمبر(اے پی پی)وزیراعظم محمد شہباز شریف اسرائیلی جارحیت دے خلاف قطر نال یکجہتی ݙکھیندے اقوام متحدہ اچ اسرائیل دی رکنیت معطل کرݨ دی تجویز دی حمایت کریندے آکھیے جو اسرائیل ولوں عالمی قوانین کوں تروڑݨ قابل مذمت اے۔ دوحہ اچ ہنگامی عرب اسلامی سربراہ اجلاس نال خطاب اچ وزیراعظم آکھیا جو اڄ اساں ہک ٻئے افسوسناک واقعے دے بعد کٹھے تھئے ہیں، اسرائیل ساݙے برادر ملک قطر دی خود مختاری اتے سلامتی دی خلاف ورزی کیتی اے، پاکستان قطر دے نال کھڑے، اسرائیل دا قطر تے حملہ جارحانہ اقدام اے اتے اسرائیل اپݨی جارحیت نال امن دیاں کوششاں کوں ٻہوں وݙا دھچکا پچاعے جیندے بعد اے سوال آندے جو اسرائیل مذاکرات دا ڈھونگ کیوں رچائے، اسرائیل ولوں عالمی قوانین کوں تروڑݨ قابل مذمت اے۔ انہاں آکھیا جو غزہ اچ انسانیت سسکدی پئی اے، انسانیت دے خلاف جنگی جرائم تے اسرائیل کوں کٹہرے اچ گھن آوݨا ہوسی، اقوام متحدہ اچ اسرائیل دی رکنیت معطل کرݨ دی تجویز دی حمایت کریندے ہیں، غزہ اچ شہری آبادی کوں تیکھے اتے ہنگامی بنیاداں تے امداد ݙتی ونڄے۔ انہاں آکھیا جو اساں 1967ء دیاں سرحداں دے مطابق آزاد فلسطینی ریاست چاہندے ہیں، ڄیکر اجتماعی دانش نال اقدامات نا کیتے قئے تاں ساکوں تاریخ معاف نا کریسی
