ملتان ڈویژن دی 11 تحصیلاں سیلاب توں متاثر، 26 ستمبر توں نقصانات دے تخمینے دا سروے شروع تھیسی، کمشنر عامر کریم

ملتان۔24 ستمبر (اے پی پی) کمشنر ملتان ڈویژن عامر کریم خان آکھئے جو اڄوکے مون سون سیزن گھٹ معمولی رہیا جیندے نتیجے اچ ملتان ڈویژن دی 14 وچوں 11 تحصیلاں براہ راست سیلاب توں متاثر تھین۔ ایں سال 11 اسپیلز بارش پاروں شدید سیلاب آیا جیندے دی ماضی اچ کوئی مثال کائنی ملدی۔ انہاں آکھئے جو نامساعد حالات اچ مشکل آپریشن کرݨے پئے پر انسانی جانیں دا تحفظ ہمیشہ پہلی ترجیح رہیے۔ اے ڳالھیں انہاں پوسٹ فلڈ انتظامات تے نقصان دے تخمینہ سروے دے حوالے نال اجلاس دی صدارت کریندیں ہوئیں کیتے۔ انہاں آکھئے جو حکومت پنجاب دی ہدایت تے خصوصی کمیٹیاں ٻݨا ݙتی ڳئن تے متاثرین دے نقصانات دے سروے دا باضابطہ آغاز 26 ستمبر توں کیتا ویسی۔ سیلاب اچ ریسکیو تے ریلیف دے بعد متاثرین دے نقصان دا ایماندارانہ تے ذمہ دارانہ تخمینہ انتہائی اہم اے، ایں کیتے انتظامی ٹیماں کوں شفافیت تے پروفیشنل ازم دے نال کم کرݨ دی ہدایت کیتی ڳئی اے۔ انہاں واضح کیتے جو ڈویژن اچ ڈیٹیل مپنگز دے ذریعے وستیاں، انخلاء پوائنٹس تے ریلیف کیمپاں دا درست تعین کیتا ویسی۔ ہر وستی اچ مقامی کمیونٹی دی تنظیماں بݨائی ویسن جیڑھے انخلاء تے ریلیف اچ حکومت نال تھیسن جڈانجو انہاں کمیونٹیز کوں واکی ٹاکی سسٹم تے متبادل رابطے دے ذرائع وی فراہم کیتے ویسن۔ کمشنر آکھئے جو نقصان دے تخمینے اچ کہیں قسم دی وسلائی برداشت نہ کیتی ویسی تے ایں سارے عمل تے عوامی اعتماد ودھاوݨ کیتے پارلیمنٹیرینز تے میڈیا کوں وی باقاعدگی نال آگاہ کیتا ویسی۔ اجلاس اچ ڈپٹی کمشنرز تے متعلقہ حکام ولوں بریفنگ ݙتی ڳئی۔