اسلام آباد۔29ستمبر(اے پی پی)وفاقی وزیر خزانہ و محصولات سینیٹر محمد اورنگزیب پاکستان اچ جرمنی دی سفیر اینا لیپل نال ملاقات کیتی۔ وزیر خزانہ جرمنی دی سفیر دا خیرمقدم کیتا اتے ݙو طرفہ تعاون ٻیا ودھاوݨ دا عزم دوہرایا۔ وزیر خزانہ جرمن سفیر کوں پاکستان دی معیشت دی مجموعی صورتحال اتے اہم معاشی اشاریاں اچ حالیہ بہتری دا ݙسایا۔ انہاں آئی ایم ایف دے جاری جائزہ مشن اتے پروگرام دے ہیٹھ …
وزیر خزانہ محمد اورنگزیب دی جرمنی دے سفیر اتے یونیسیف دی نمائندہ نال ملاقات
مزید خبراں
اسلام آباد۔29ستمبر(اے پی پی)وفاقی وزیر خزانہ و محصولات سینیٹر محمد اورنگزیب پاکستان اچ جرمنی دی سفیر اینا لیپل نال ملاقات کیتی۔ وزیر خزانہ جرمنی دی سفیر دا خیرمقدم کیتا اتے ݙو طرفہ تعاون ٻیا ودھاوݨ دا عزم دوہرایا۔ وزیر خزانہ جرمن سفیر کوں پاکستان دی معیشت دی مجموعی صورتحال اتے اہم معاشی اشاریاں اچ حالیہ بہتری دا ݙسایا۔ انہاں آئی ایم ایف دے جاری جائزہ مشن اتے پروگرام دے ہیٹھ مقداری اتے ساختی اہداف دی تکمیل تے پیش رفت دا وی ݙسایا۔ انہاں حالیہ سیلاب نال تھیوݨ آلی تباہ کاریاں اتے موسمیاتی تبدیلی دے چیلنجز دا ݙسیا۔ جرمنی دی سفیر پاکستان اتے جرمنی وچال تجارت اتے سرمایہ کاری ودھاوݨ دے موقعیاں تے ڳالھ مہاڑ کیتی اتے پائیدار معاشی ترقی کیتے نجی شعبے دی شمولیت اتے ٻاہرلے سرمایہ کاری دے ودھارے سانڳے حکومت دیاں کوششاں دی حمایت دا اظہار کیتا۔ ݙوہاں فریقاں پاکستان اتے جرمنی وچال معاشی تعاون ٻیا تکڑا کرݨ اتے تجارت، سرمایہ کاری اتے ترقیاتی شراکت داری دے نویں موقعے لبھݨ دا عزم دوہرائے۔ ݙوجھے پاسے وزیر خزانہ نال یونیسیف دی نمائندہ برائے پاکستان پرنائل آئرن سائیڈ ملاقات کیتی۔ وزیر خزانہ ملک کوں درپیش موسمیاتی تبدیلی اتے آبادی اچ تیزی نال ودھݨ ڄھیں وݙے چیلنجاں دا ݙسیندے آکھیا جو انہاں ݙوہائیں عوامل دا نیاݨیاں دی ودھوتری اچ رکاوٹ اتے تعلیمی کمی تے وݙا اثر پوندے، دستیاب وسائل دا بہترین استعمال ٻہوں ضروری اے تاں جو انہاں وݙے مسئلیاں نال مؤثر انداز اچ نبڑیا ونج سڳے۔ ݙوہائیں فریقاں نیاݨیاں اتے معاشریاں کوں درپیش چیلنجاں نال نبڑݨ اتے پائیدار ترقی کیتے تعاون کوں ٻیا تکڑا کرݨ دا عزم دوہرایا۔
