امیر آف ریاست بہاول پور نواب صادق محمد خان عباسی(پنجم) دا ڄمݨ ݙینھ منایا ڳئے

اسلام آباد۔ 30 ستمبر(اے پی پی)امیر آف ریاست بہاول پور نواب صادق محمد خان عباسی(پنجم) دا ڄمݨ ݙینھ 30 ستمبر کوں منایا ڳئے۔ علم دوست،  محسن پاکستان نواب سر صادق محمد خاں عباسی (خامس)  1904ء جمعے دے ڈینھ دولتِ خانہ عالیہ بہاول پور دی عمارت اچ ڄمئے ۔ او آپݨے والد نواب حاجی محمد بہاول خان خامس عباسی دے کلہے پتر ہن۔  2 سال دی عمر اچ والد نال حج دا سفر کیتا، جتھوں ولدے ہی سفر اچ نواب بہاول خان دا انتقال تھی گیا ۔ 15مئی 1907ء کوں سر صادق کوں ریاست دا حکمران ٻݨاوݨ دا اعلان کیتا گیا ٻھل ریاست دے انتظام اتے نواب دی تعلیم اتے تربیت سانگے برطانیہ دی حکومت آئی سی ایس آفیسر سر رحیم بخش دی سربراہی اچ کونسل آف ریجنسی ٻݨا ڳھدی۔ نواب آپݨی ابتدائی عربی، فارسی اتے مذہبی تعلیم آپݨے نامور استاد علمی شخصیت علامہ مولوی غلام حسین قریشی توں ڳھدی۔ 3 سال دی عمر اچ  تخت تے ٻاھݨ آلے شہزادے دی شخصیت دی تربیت اتے سنوارݨ کیتے انھاں دی مذہبی، تعلیمی، فوجی اتے انتظامی ہر لحاظ نال اعلیٰ ترین تربیت کیتی گئی۔ 1913ء اچ تعلیم اتے امورِ ریاست دی تربیت سانگے لندن بھیڄیا ڳیا۔ انہاں 1915ءتوں  1921ء تئیں ایچی سن کالج لاہور اچ تعلیم حاصل کیتی۔  1921ء اچ او  پرنس آف ویلز دے ایڈی کانگ مقرر تھئے۔ مارچ 1924ء کوں لارڈ ریڈنگ وائسرائے ہند بہاول پور آ تے نورمحل اچ رکھی گئی تقریب اچ نواب سر صادق محمد خان عباسی دی تاجپوشی کیتی اتے مکمل اختیارات سنبھال ڈتےـ لکھت: ڈاکٹر سعدیہ کمال)