ملتان۔ 09 اکتوبر (اے پی پی) کمشنر آفس ملتان اچ موٹروے بحالی دے حوالے نال اجلاس تھیا جئیں دی صدارت کمشنر عامر کریم خان کیتی، جئیں اچ ڈی آئی جی موٹروے پولیس ڈار علی خٹک، ایس ایس پی محمد سرفراز، ڈپٹی کمشنر ملتان وسیم حامد سندھو، این ایچ اے، محکمہ انہار، ایس این جی پی ایل، ہائی ویز اتے پاک فوج دے افسراں شرکت کیتی۔ اجلاس اچ فیصلہ کیتا ڳیا …
کمشنر ملتان دی صدارت اچ اجلاس، شیرشاہ توں جلال پور پیروالا موٹروے کھولݨ دا فیصلہ
ملتان۔ 09 اکتوبر (اے پی پی) کمشنر آفس ملتان اچ موٹروے بحالی دے حوالے نال اجلاس تھیا جئیں دی صدارت کمشنر عامر کریم خان کیتی، جئیں اچ ڈی آئی جی موٹروے پولیس ڈار علی خٹک، ایس ایس پی محمد سرفراز، ڈپٹی کمشنر ملتان وسیم حامد سندھو، این ایچ اے، محکمہ انہار، ایس این جی پی ایل، ہائی ویز اتے پاک فوج دے افسراں شرکت کیتی۔ اجلاس اچ فیصلہ کیتا ڳیا جو شیرشاہ توں جلال پور پیروالا 78 کلومیٹر موٹروے سیکشن کوں ٹریفک کیتے کھول ݙتا ویسی تاںجو عوام کوں فوری ریلیف ݙتا ونڄ سڳے۔ کمشنر ݙسایا جو جلال پور پیروالا توں ہائی وے روڈ تے ڈائیورشن قائم کیتی ڳئی اے اتے ٹریفک کوں جلال پور پیروالا توں لودھراں روڈ دے ذریعے روانہ رکھیا ڳئے۔ انہاں آکھیا جو شہریاں دی سہولت اتے سوکھ کوں ݙیکھدیں ہوئیں موٹروے کھولݨ دا فیصلہ کیتا ڳئے، ایں دے باقی متاثرہ حصیاں تے بحالی اتے تعمیراتی کم تیزی نال جاری اے اتے جلدی مکمل طور تے بحال کر ݙتی ویسی۔
