چین  داپاکستان اتے افغانستان وچال جنگ بندی معاہدے دا خیرمقدم

بیجنگ۔20اکتوبر(اے پی پی) چین پاکستان تےافغانستان وچال طے پاوݨ آلے جنگ بندی معاہدے دا خیرمقدم کیتے۔شنہوا نیوز موجب چینی وزارت خارجہ دے ترجمان گو جیاکون آکھیے چین پاکستان تے افغانستان وچال طے پاوݨ آلے جنگ بندی معاہدے دا خیرمقدم کریندے۔چینی وزارت خارجہ دےترجمان روزانہ دی پریس بریفنگ دے دوران جنگ بندی دے معاہدے تے آپݨے تبصرے اچ آکھیے پاکستان تے افغانستان ݙوہیں چین دے روایتی دوست ہمسایہ اتے ھک ݙوجھے دے پڑوسی ہن جنہاں کوں دور نی کیتا ونڄ سڳدا ۔انہاں آکھیے چین ݙوہیں ملکاں وچال جنگ بندی  دے معاہدے دا خیرمقدم کریندے تے متعلقہ ملکاں دے تعاون دی تعریف کریندے ،چین پاکستان اتے افغانستان وچال آپݨے اختلافات کوں دور کرݨ، ھک جامع اتے دیرپا جنگ بندی دے حصول اتے ݙوہیں ملکاں تے خطے دے امن و استحکام دے سانجھے تحفظ سانڳے مسلسل ڳالھ مہاڑ تے مشاورت دی مخلصانہ امید کریندے تے ایندی حمایت کریندے ۔ترجمان آکھیے چین پاکستان اتے افغانستان دے تعلقات کوں بہتر بݨاوݨ تے اڳوں ودھاوݨ اچ تعمیری کردار ادا کرݨ سانڳے عالمی برادری نال کم کرݨ سانڳے تیار اے۔