برسلز۔21اکتوبر (اے پی پی) یورپی یونین واضح کیتے جو اسرائیل تے پابندیاں ہݨ وی زیرِ غور ہن۔ العربیہ اردو دے مطابق یورپی یونین دی امور خارجہ دی سربراہ کاجا کیلس گزشتہ ݙینھ لیکسمبرگ اچ یورپی وزرائے خارجہ دے اجلاس دے موقع تے آکھیا جو اسرائیل تے پابندیاں دی تجویز بدستور زیر غور اے۔ انہاں آکھیا جو اجلاس اچ خاص کر 10 اکتوبر دے بعد غزہ دی صورتحال تے وی غور …
اسرائیل تے پابندیاں ہݨ وی زیر غور ہن، یورپی یونین
برسلز۔21اکتوبر (اے پی پی) یورپی یونین واضح کیتے جو اسرائیل تے پابندیاں ہݨ وی زیرِ غور ہن۔ العربیہ اردو دے مطابق یورپی یونین دی امور خارجہ دی سربراہ کاجا کیلس گزشتہ ݙینھ لیکسمبرگ اچ یورپی وزرائے خارجہ دے اجلاس دے موقع تے آکھیا جو اسرائیل تے پابندیاں دی تجویز بدستور زیر غور اے۔ انہاں آکھیا جو اجلاس اچ خاص کر 10 اکتوبر دے بعد غزہ دی صورتحال تے وی غور کیتا ویسی۔ انہاں آکھیا جو گزریل ہفتے دی پیش رفت دے بعد صورتحال یقیناً بدل ڳئی اے، پر اصل سوال اے اے جو یورپی وزرائے خارجہ اسرائیل دے خلاف مجوزہ پابندیاں بارے کیا فیصلہ کریسن۔ یاد راہوے جو یورپی کمیشن تقریباً ݙو سال دی چُپ دے بعد پہلی واری 10 ستمبر کوں اسرائیل دے خلاف ورزیاں تے ردِ عمل ݙیندیں ہوئیں پابندیاں دی تجویزاں پیش کیتن۔ انہاں تجاویز اچ یورپی یونین اتے اسرائیل وچال شراکت داری معاہدے دے تحت شئیں دی آزادانہ نقل و حمل دے حق کوں معطل کرݨ، کسٹم ݙیوٹیاں لاوݨ اتے فلسطینی مقبوضہ علاقیاں تے قبضہ کرݨ آلے اسرائیلی شہراں دے علاوہ اسرائیلی وزراء ایتمار بن گویر اتے بزالیل سموٹریچ تے انفرادی پابندیاں لاوݨ شامل ہن۔
