ملتان۔ 21 اکتوبر (اے پی پی) وزیراعلیٰ پنجاب مریم نواز شریف دی ہدایت تے سیلاب متاثرین دی بحالی کیتے ضلعی انتظامیہ ولوں سپورٹس گراؤنڈ اچ مالی امداد دا مرکزی کیمپ قائم کر ݙتا ڳئے۔ ایں حوالے نال سیلاب متاثرین کوں بائیو میٹرک دے ذریعے کیش اتے اے ٹی ایم کارڈ دی فراہمی کیتی ڳئی۔ ڈپٹی کمشنر وسیم حامد سندھو منگل دے ݙین٘ہہ کیمپ دا دورہ کیتا اتے رقماں دی فراہمی …
ضلعی انتظامیہ ملتان ولوں سیلاب متاثرین دی مالی امداد کیتے مرکزی کیمپ قائم
ملتان۔ 21 اکتوبر (اے پی پی) وزیراعلیٰ پنجاب مریم نواز شریف دی ہدایت تے سیلاب متاثرین دی بحالی کیتے ضلعی انتظامیہ ولوں سپورٹس گراؤنڈ اچ مالی امداد دا مرکزی کیمپ قائم کر ݙتا ڳئے۔ ایں حوالے نال سیلاب متاثرین کوں بائیو میٹرک دے ذریعے کیش اتے اے ٹی ایم کارڈ دی فراہمی کیتی ڳئی۔ ڈپٹی کمشنر وسیم حامد سندھو منگل دے ݙین٘ہہ کیمپ دا دورہ کیتا اتے رقماں دی فراہمی دا جائزہ گھدا۔ ایڈیشنل ڈپٹی کمشنر ریونیو محمد ابوبکر اتے اسسٹنٹ کمشنر صدر زاہد اقبال ڈپٹی کمشنر کوں بریفنگ ݙتی۔ ایں موقع تے ڈپٹی کمشنر وسیم حامد سندھو آکھیا جو ضلع دے 68 ہزار توں ودھ سیلاب متاثرین کوں مالی امداد فراہم کیتی ویسی۔ انہاں ݙسایا جو سیلاب نال ضلع دے 163 موضعے متاثر تھئے۔ سروے دے ذریعے حاصل تھیوݨ آلے ڈیٹا دی بائیو میٹرک تصدیق دے بعد امداد ݙتی ویندی پئی اے۔ اڳوں مرحلے اچ ضلع دی چاریں تحصیلاں اچ کیمپ لاتے ویسن۔ وسیم حامد سندھو دا آکھݨ ہا جو بنک آف پنجاب اتے ضلعی انتظامیہ ولوں خصوصی کاؤنٹر وی قائم کر ݙتے ڳئن، اے کیش کاؤنٹر تریمتاں، بزرگ اتے معذور لوکاں کیتے اںڄ قائم کیتے ڳئن۔
