سپریم کورٹ بار ایسوسی ایشن دے انتخابات اچ عاصمہ جہانگیر گروپ کامیاب

اسلام آباد۔21اکتوبر(اے پی پی)سپریم کورٹ بار ایسوسی ایشن دے سالانہ انتخابات 2025-26 دا باضابطہ حتمی نتیجہ جاری کر ݙتا ڳئے جئیں موجب عاصمہ جہانگیر گروپ واضح اکثریت نال کامیابی حاصل کیتی اے۔ جاری اعلامیہ موجب سپریم کورٹ بار ایسوسی ایشن دے سالانہ انتخابات 2025-26 دے باضابطہ حتمی نتیجے موجب ایڈووکیٹ ہارون الرشید 1898 ووٹ گھن تے صدر سپریم کورٹ بار ایسوسی ایشن منتخب تھئن جݙاں جو ملک زاہد اسلم اعوان 1915 ووٹ گھن تے سیکرٹری منتخب تھئن۔ ٻئے کامیاب امیدواراں اچ نائب صدر بلوچستان: لیاقت علی ترین (1853 ووٹ)، نائب صدر خیبر پختونخوا: فضل شاہ محمد (1740 ووٹ)، نائب صدر پنجاب: خالد مسعود سندھو (1882 ووٹ)، نائب صدر سندھ: ملک خوشحال خان اعوان (1612 ووٹ) (حامد خان گروپ)، فنانس سیکرٹری: سائرہ خالد راجپوت (2049 ووٹ)، ایڈیشنل سیکرٹری: سردار طارق حسین (1835 ووٹ)، بلوچستان توں الہی بخش مینگل (1850 ووٹ) اتے شاہ رسول کاکڑ (1748 ووٹ)، خیبر پختونخوا توں محمد ضیاء اللہ (1600 ووٹ) اتے راحیلہ بی بی (1849 ووٹ) پنجاب توں حافظہ مہناز ندیم (1979 ووٹ) شامل ہن جݙاں جو ایگزیکٹو کمیٹی دیاں نو نشستاں تے وی عاصمہ جہانگیر گروپ دے امیدوار کامیاب قرار پاتے۔ سپریم کورٹ بار ایسوسی ایشن ولوں ایں کامیابی دی باضابطہ تصدیق کر ݙتی گئی اے۔ ایں کامیابی دے نال عاصمہ جہانگیر گروپ بار دی مرکزی قیادت تے ہک واری ٻئی آپݨی برتری قائم کرݙتی اے جݙاں جو حامد خان گروپ کوں صرف ہک نشست حاصل تھی سڳی۔