موسمیاتی تبدیلی پاروں ذہنی صحت دے مسئلے ودھدے پئن ، ڈاکٹر مختار احمد بھرتھ

اسلام آباد۔21اکتوبر(اے پی پی)وزیر مملکت صحت ڈاکٹر مختار احمد بھرتھ آکھیے جو موسمیاتی تبدیلیاں پاروں ذہنی صحت دے مسئلے ودھدے پئن ، پاکستان کوں شدید موسمیاتی تبدیلیاں دا سامݨا اے، موسمیاتی تبدیلیاں پاروں چھل ، طوفان اتے ٻئی قدرتی آفتاں جنم گھندیاں پئن جئیں پاروں ذہنی صحت متاثر تھیندی پئی اے۔ اے ڳالھ انہاں شفاء یونیورسٹی اچ عالمی ذہنی صحت دے حوالے نال منعقدہ تقریب نال خطاب کریندے آکھی۔ وزیرمملکت آکھیا جو موسمیاتی تبدیلیاں پاروں ذہنی صحت دے مسئلے ودھ ویندن جئیں کیتے کَم کرݨ دی لوڑھ اے، ڈبلیو ایچ او دے نال رَل تے ذہنی صحت دی بہتری کیتے کَم کریندے پیوں۔ انہاں آکھیا جو شدید موسمیاتی تبدیلیاں توں چھل ، طوفان اتے ٻئی قدرتی آفتاں جنم گھندیاں پئن جئیں پاروں ذہنی صحت متاثر تھیندی پئی اے۔