اسلام آباد۔21اکتوبر(اے پی پی)صدر مملکت آصف علی زرداری سنائے تاکائچی کوں جاپان دی پہلی تریمت وزیراعظم منتخب تھیوݨ تے مبارخ ݙتی اے اتے انہاں دی قیادت اچ جاپان دی ٻئی ترقی و خوشحالی اتے پاکستان اتے جاپان دے دوستانہ تعلقات دے استحکام کیتے نیک خواہشات دا اظہار کیتے۔ ایوان صدر دے میڈیا ونگ توں جاری بیان موجب صدر مملکت آصف علی زرداری آکھیے جو سنائے تاکائچی دا انتخاب جاپان دی …
صدرمملکت آصف علی زرداری دی جاپان دی پہلی تریمت وزیراعظم سنائے تاکائچی کوں مبارخ
مزید خبراں
اسلام آباد۔21اکتوبر(اے پی پی)صدر مملکت آصف علی زرداری سنائے تاکائچی کوں جاپان دی پہلی تریمت وزیراعظم منتخب تھیوݨ تے مبارخ ݙتی اے اتے انہاں دی قیادت اچ جاپان دی ٻئی ترقی و خوشحالی اتے پاکستان اتے جاپان دے دوستانہ تعلقات دے استحکام کیتے نیک خواہشات دا اظہار کیتے۔ ایوان صدر دے میڈیا ونگ توں جاری بیان موجب صدر مملکت آصف علی زرداری آکھیے جو سنائے تاکائچی دا انتخاب جاپان دی سیاسی تاریخ اچ سنگ میل اے۔ صدر آصف علی زرداری آکھیے جو اے جاپان اچ جمہوری روایات اتے صنفی مساوات دے ودھارے دا مظہر اے۔ صدر مملکت آکھیا جو جاپان پہلی تریمت وزیراعظم منتخب کرتے تاریخ رقم کیتی اے، پاکستان تقریباً چار ݙہاکے پہلے شہید محترمہ بینظیر بھٹو کوں اسلامی دنیا دی پہلی تریمت وزیراعظم منتخب کیتا ہئی۔ صدر آصف علی زرداری نے وزیراعظم سنائے تاکائچی دی قیادت اچ جاپان دی ٻئی ترقی اتے خوشحالی کیتے نیک خواہشات دا اظہار کیتا۔ صدر مملکت آکھیا جو پاکستان اتے جاپان دے دوستانہ تعلقات ٻئے مستحکم تھیسن۔
