واشنگٹن۔23اکتوبر (اے پی پی) امریکہ اسرائیل کوں خبردار کیتے جو پارلیمان دا مغربی کنارے دے انضمام متعلق اقدام اتے آبادکاراں دے تشدد نال غزہ امن معاہدے کوں خطرہ اے۔ اردو نیوز موجب اے ڳالھ امریکی وزیر خارجہ مارکو روبیو گزریل ݙینھ اسرائیل دے دورے کیتے روانگی توں پہلے صحافیاں نال ڳالھ مہاڑ کریندیں ہوئیں کیتی۔ انہاں آکھیا جو صدر ڈونلڈ ٹرمپ واضح کر ݙتے جو او مغربی کنارے دے انضمام …
اسرائیل دا مغربی کنارے دے انضمام بارے اقدام غزہ امن معاہدے کیتے خطرہ اے، امریکہ
واشنگٹن۔23اکتوبر (اے پی پی) امریکہ اسرائیل کوں خبردار کیتے جو پارلیمان دا مغربی کنارے دے انضمام متعلق اقدام اتے آبادکاراں دے تشدد نال غزہ امن معاہدے کوں خطرہ اے۔ اردو نیوز موجب اے ڳالھ امریکی وزیر خارجہ مارکو روبیو گزریل ݙینھ اسرائیل دے دورے کیتے روانگی توں پہلے صحافیاں نال ڳالھ مہاڑ کریندیں ہوئیں کیتی۔ انہاں آکھیا جو صدر ڈونلڈ ٹرمپ واضح کر ݙتے جو او مغربی کنارے دے انضمام متعلق اقدام دی حمایت نئی کر سڳدے۔ انہاں ٻیا آکھیا جو انضمام متعلق اقدامات امن معاہدے کیتے خطرہ ہن۔ انہاں آکھیا جو ایں موقع تے اسرائیل ولوں اے ہک ایجھا اقدام اے جو اساݙے خیال اچ نقصان دہ ہوسی۔ انہاں مغربی کنارے اچ فلسطینیاں دے خلاف انتہا پسند اسرائیلی آبادکاراں ولوں ودھدے تشدد بارے سوال دے جواب اچ آکھیا جو اساکوں کہیں وی ایجھی ڳالھ بارے تشویش اے جئیں نال اساݙی ساری کوششاں دے غیر مستحکم تھیوݨ دا خطرہ ہووے۔ واضح رہے جو اسرائیلی قانون سازاں بدھ کوں مقبوضہ مغربی کنارے دے انضمام بارے بل دی منظوری ݙتی۔
