مظفرگڑھ، غیرقانونی پٹرول آئل ایجنسی اچ ستے ہوئے ݙو ٻال دم گھٹݨ پاروں جاں بحق، مالک گرفتار، مقدمہ درج

مظفرگڑھ۔ 26 اکتوبر (اے پی پی) کوٹ ادو دے علاقے احسان پور اچ غیرقانونی پٹرول آئل ایجنسی اچ ستے ہوئے ݙو ٻال دم گھٹݨ پاروں جاں بحق تھی ڳئے۔ پولیس حکام دے مطابق پٹرول آئل ایجنسی اچ ستے ٻئے 2 ٻالاں دی حالت ای خراب اے جڈانجو مدرسے دے انچارج مدرسے توں ملحقہ آپݨی غیرقانونی پٹرول آئل ایجنسی ٻݨا رکھی ہئی۔ پولیس حکام ݙسایا جو مدرسے دا مہتمم پٹرول آئل ایجنسی دی حفاظت کیتے مدرسے اچ زیر تعلیم ٻالاں کوں پٹرول آئل ایجنسی اچ سمیندا ہئی اتے رات دے ویلھے پٹرول توں نکلݨ الی گیس پاروں ٻالاں دا دم گھٹݨ پاروں او جاں بحق تھی ڳئے۔ مرݨ تے متاثر تھیوݨ آلے ٻالاں دی عمراں 10 توں 12 سال وچال ہن۔ پولیس واقعے دے بعد مدرسے دے مہتمم کوں گرفتار کر تے قانونی کارروائی دا آغاز کر ݙتے۔