سرائیکی وسیب دے شہر مظفر گڑھ دی رخسار گل “ماس ریسلنگ ” دی عالمی کھڈاری ٻݨ ڳئی، کئی میڈلز جیتئن

اے پی پی ( اسلام آباد ) سرائیکی وسب مظفر گڑھ دی بالڑی رخسار گل روس دی روایتی کھیڈ ” ماس ریسلنگ” دی آپدے ملک دی پہلی کھڈاری بنڑ گئی جڈاں 2021 ءچ پاکستان اچ اے کھیڈ لائونچ کیتی گئی ۔۔رخسار گل ورلڈ فیسٹیول یوتھ 2024 اچ روس اچ شرکت کیتی ہئی جیندے میزبان روس دے صدر پیوٹن ہن تے 200 کھیڈاریاں دا وفد پاکستان توں روس گیا ہا ۔۔ رخسار دی جم پل مظفر گڑھ دی اے تے ایم ایس سی سپورٹس سائنس اچ بہائوالدین زکریا یونیورسٹی ملتان توں کیتے  ۔۔

رخسار گل ہنڑ تائیں ترائے ملکاں رومانیہ ، ترکی ( استنبول ) تے روس اچ آپدے فن دا مظاہرہ کرچکئین تے رومانیہ اچوں گولڈ میڈل گھن تے واپس آئی ۔انھاں اے پی پی سرائیکی نیوز سروس نال گالھ مہاڑ کریندے ہوئے آپدے مستقبل دے ارادے بارے ڈسیا جو او ہنڑ میڈیا اچ ہک نیوز اینکر دے طور تے کم کرنڑ دی خاہش رکھدن۔۔ ڈاکٹر سعدیہ کمال