اقوام متحدہ ولوں پاکستان اتے افغانستان دے مذاکرات ناکام تھیوݨ تے تشویش

اقوام متحدہ۔ 29 اکتوبر (اے پی پی) اقوام متحدہ پاکستان اتے افغانستان وچال استنبول اچ تھیوݨ آلے مذاکرات دے ناکام تھیوݨ تے آپݨی تشویش دا اظہار کیتے۔ اقوام متحدہ دے ترجمان سٹیفن ڈوجارک صحافیاں نال گالھ کریندیں ہوئیں آکھیا جو مذاکرات اچ تعطل یقیناً فکر دی ڳالھ اے۔ انہاں آکھیا جو اساں امید کریندوں جو ݙوہیں مُلکاں وچال جنگ بندی قائم رہے اتے لڑائی ٻئی شروع نہ تھیوے۔