پاکستان دی جنوبی افریقہ کوں 7 وکٹاں توں شکست، ون ڈے سیریز 1-2 نال جت ڳھدی

فیصل آباد۔ 8 نومبر(اے پی پی) پاکستان جنوبی افریقہ کوں ہرا تے ون ڈے سیریز 1-2 نال جت ڳھدی اے۔ فیصل آباد دے اقبال سٹیڈیم اچ پاکستان اَتے جنوبی افریقہ وچال فیصلہ کن ون ڈے میچ دا ٹاس جنوبی افریقہ جیتیا اتے پہلے بیٹنگ کرݨ دا اعلان کیتا۔ جنوبی افریقہ دی ٹیم پہلے بیٹنگ کریندے ہوئیں 143 رنز بݨا سڳی اتے 37 اووراں اچ ہی آئوٹ تھی ڳئی۔ جنوبی افریقہ ولوں کوئنٹن ڈی کاک 53 اَتے پریٹوریس 39 رنز بݨا تے نمایاں رہے جݙاں جو میتھیو بریٹزکی اَتے پیٹر 16، 16 رنز بݨا تے آؤٹ تھی ڳئے۔ جنوبی افریقہ دے 7 کھݙاری ݙبل فگر اچ داخل نہ تھی سڳے۔ قومی ٹیم ولوں ابرار احمد 4، شاہین شاہ آفریدی، سلمان علی آغا اَتے محمد نواز 2، 2 وکٹاں ڳھدیاں۔ ٻئے پاسوں قومی ٹیم سوکھے ہدف دے تعاقب اچ 3 وکٹاں دے نقصان تے 144 رنز بݨا ڳھدے، پاکستان ولوں صائم ایوب 77 رنز بݨاوݨ تے مین آف دی میچ رہے۔