راولپنڈی۔ 29 نومبر(اے پی پی) سہ ملکی ٹی 20 سیریز دے فائنل میچ دے موقع تے چیئرمین پی سی بی محسن نقوی راولپنڈی اسٹیڈیم پُڄے جتھاں انہاں قومی کھݙاریاں دا حوصلہ ودھایا اَتے میچ توں پہلے ٹیم دے نال گروپ فوٹو وی بݨوایا۔پی سی بی موجب محسن نقوی کھݙاریاں نال ڳالھ مہاڑ اچ ٹیم کیتے نیک خواہشات دا اظہار کیتا، ایں موقع تے اسٹیڈیم اچ ݙوہیں ٹیماں دے کھݙاریاں اَتے …
سہ ملکی ٹی 20 سیریز فائنل میچ دے موقع تے چیئرمین پی سی بی محسن نقوی دی راولپنڈی اسٹیڈیم آمد، قومی کھݙاریاں دا حوصلہ ودھایا، میچ توں پہلے ٹیم نال گروپ فوٹو
مزید خبراں
راولپنڈی۔ 29 نومبر(اے پی پی) سہ ملکی ٹی 20 سیریز دے فائنل میچ دے موقع تے چیئرمین پی سی بی محسن نقوی راولپنڈی اسٹیڈیم پُڄے جتھاں انہاں قومی کھݙاریاں دا حوصلہ ودھایا اَتے میچ توں پہلے ٹیم دے نال گروپ فوٹو وی بݨوایا۔پی سی بی موجب محسن نقوی کھݙاریاں نال ڳالھ مہاڑ اچ ٹیم کیتے نیک خواہشات دا اظہار کیتا، ایں موقع تے اسٹیڈیم اچ ݙوہیں ٹیماں دے کھݙاریاں اَتے تماشائیاں سری لنکا اچ طوفانی مینھ پاروں تھیوݨ آلے جانی ضیان تے ہک منٹ دی خاموشی اختیار کیتی۔ سری لنکا دے ہائی کمشنر فریڈ سری ویراتنے اَتے ڈپٹی ہائی کمشنر وی فائنل مقابلہ ݙیکھݨ کیتے اسٹیڈیم اچ موجود ہن، جنہاں دی موجودگی کوں پاکستان اَتے سری لنکا وچال اسپورٹس سفارتکاری کوں ودھارا ݙیوݨ دا مثبت قدم قرار ݙتا ڳیا۔میچ دے دوران چیئرمین پی سی بی محسن نقوی سری لنکن ہائی کمشنر نال خصوصی ملاقات وی کیتی جیں اچ ݙوہیں ملکاں وچال کرکٹ دے شعبے اچ تعاون، ݙو طرفہ رابطے اَتے مستقبل دے اشتراک تے ڳالھ مہاڑ کیتی ۔ ملاقات دا مقصد پاکستان اَتے سری لنکا دے کرکٹ تعلقات کوں مزید مضبوط بݨاوݨا ہئی۔
