اسلام آباد۔ 30 نومبر(اے پی پی) صدرِ مملکت آصف علی زرداری نال مصر دے وزیرِ خارجہ ڈاکٹر بدر احمد محمد عبدالعاطی ملاقات کیتی اَتے ݙو طرفہ تعلقات، اقتصادی تعاون اَتے علاقائی و عالمی صورتِ حال تے ڳالھ مہاڑ کیتی۔ایوان صدر دے پریس ونگ توں جاری تھیوݨ آلے بیان موجب صدرِ مملکت آکھیا جو پاکستان مصر دے نال آپݨے پراݨے اَتے برادرانہ تعلقات کوں ٻہوں اہمیت ݙیندے جیڑھا مشترکہ عقیدے اَتے …
صدر آصف علی زرداری نال مصری وزیرِ خارجہ ڈاکٹر بدر احمد محمد عبدالعاطی دی ملاقات
مزید خبراں
اسلام آباد۔ 30 نومبر(اے پی پی) صدرِ مملکت آصف علی زرداری نال مصر دے وزیرِ خارجہ ڈاکٹر بدر احمد محمد عبدالعاطی ملاقات کیتی اَتے ݙو طرفہ تعلقات، اقتصادی تعاون اَتے علاقائی و عالمی صورتِ حال تے ڳالھ مہاڑ کیتی۔ایوان صدر دے پریس ونگ توں جاری تھیوݨ آلے بیان موجب صدرِ مملکت آکھیا جو پاکستان مصر دے نال آپݨے پراݨے اَتے برادرانہ تعلقات کوں ٻہوں اہمیت ݙیندے جیڑھا مشترکہ عقیدے اَتے آپت دے احترام دی بنیاد تے قائم ہِن۔ انہاں آکھیا جو ݙوہیں ملکاں کوں چاہیدے جو او ایں تعلقات کوں مزید منظم اَتے مستقبل تے مبنی تعاون اچ بدل ݙیون۔ صدر زرداری ایں ڳالھ تے زور ݙتا جو پاکستان اَتے مصر وچال سفارتی تعلقات دے 77 سال پورے تھیوݨ دے تناظر اچ تجارت، سرمایہ کاری اَتے عوامی سطح تے رابطیں کوں مزید فعال بݨاوݨ دی لوڑھ اے۔مصر دے وزیرِ خارجہ صدرِ مملکت کوں مصر دے صدر دا خصوصی پیغام ݙتا اَتے مختلف شعبیں اچ پاکستان دے نال تعاون ودھاوݨ دی مصر دی خواہش دا اظہار کیتا۔ فریقاں علاقائی اَتے عالمی امور تے وی ڳالھ مہاڑ کیتی اَتے امن و استحکام اَتے ترقی کیتے مشترکہ کوششاں جاری رکھݨ دے عزم دا اعادہ کیتے۔
