لاہور۔ 30 نومبر(اے پی پی)عالمِ اسلام دے عظیم علمی و روحانی پیشوا، پیرِ طریقت و شیخِ شریعت، شیخِ القرآن والحدیث خواجہ پیر مفتی محمد مختار احمد درانی چشتی طویل علالت دے بعد خالقِ حقیقی نال ونڄ ملیے۔مرحوم دی نمازِ جنازہ سنوار ہک دسمبر کوں سویرے 10 وڄے سٹی پارک خان پور اچ ادا کیتی ویسی، جئیں اچ پورے ملک توں علماء، مشائخ، مذہبی جماعتاں دے قائدین، سیاسی، سماجی رہنما اَتے …
پیر مفتی مختار احمد درانی طویل علالت دے بعد انتقال کرڳئن، انہاں دی نماز جنازہ صبحائیں سنوار کوں ادا کیتی ویسی
مزید خبراں
لاہور۔ 30 نومبر(اے پی پی)عالمِ اسلام دے عظیم علمی و روحانی پیشوا، پیرِ طریقت و شیخِ شریعت، شیخِ القرآن والحدیث خواجہ پیر مفتی محمد مختار احمد درانی چشتی طویل علالت دے بعد خالقِ حقیقی نال ونڄ ملیے۔مرحوم دی نمازِ جنازہ سنوار ہک دسمبر کوں سویرے 10 وڄے سٹی پارک خان پور اچ ادا کیتی ویسی، جئیں اچ پورے ملک توں علماء، مشائخ، مذہبی جماعتاں دے قائدین، سیاسی، سماجی رہنما اَتے ٻہوں ساری تعداد اچ عقیدت مند شرکت کریسن۔مرحوم کئی ݙہاکیں توں درس و تدریس، دین دی ترویج و اشاعت، روحانی تربیت اَتے اتحادِ اُمت کیتے گراں قدر خدمات سرانجام ݙیندے پئے ہِن۔ دنیا بھر اچ انہاں دے مُریدین، تلامذہ، محبین، شاگرد اَتے ہزاراں دی تعداد اچ چاہݨ آلے موجود ہِن۔تنظیماتِ اہلِ سنت پاکستان دے قائدین، جنہاں اچ سید حامد سعید کاظمی، صاحبزادہ ڈاکٹرابوالخیر محمد زبیر الوری، اَتے ٻئے رہنما شامل ہِن، آپݨے مشترکہ تعزیتی بیان اچ آکھیے جو پیر مفتی مختار احمد درانی دی وفات عالمِ اسلام دا نہ پورا تھیوݨ آلا نقصان اے اَتے ملک ہک عظیم علمی و روحانی شخصیت توں محروم تھی ڳئے۔ انہاں آکھیا جو مرحوم دی شخصیت علم اَتے عمل دا حسین امتزاج ہئی اَتے انہاں دی رحلت نال علم و روحانیت دی دنیا ہک روشن چراغ توں محروم تھی ڳئی اے۔تنظیماتِ اہلِ سنت پاکستان دے قائدین و کارکنان پیر مفتی مختار احمد درانی دے خاندان اَتے مُریدین نال دِلی تعزیت کریندے مرحوم دے درجات دی بُلندی اَتے ایصالِ ثواب دی دعا منڳی اے۔
