جمہوریت اتے پارلیمنٹ دے خلاف ہر سازش کوں ناکام بݨیساں، سپیکر قومی اسمبلی سردار ایاز صادق

اسلام آباد۔1 دسمبر (اے پی پی) سپیکر قومی اسمبلی سردار ایاز صادق پارلیمنٹ دی بالا دستی اتے تحفظ دا واضح سنیھا ݙیندیں ہوئیں آکھیا جو جمہوریت اتے پارلیمنٹ دے خلاف ہر سازش کوں ناکام بݨیساں۔ سنوار کوں آپݨے ہِک بیان اچ اُنہاں آکھیا جو پارلیمنٹ دے خلاف شر پسند عناصر ہِک واری ولا متحرک تھی ڳئِن اتے پارلیمنٹ کوں قانون سازی توں روکݨ دی ناکام کوشش کریندے پئِن، 2014 اچ ناکامی توں بعد پارلیمنٹ تے ولا حملے دی ناکام سازش ہئی۔ اُنہاں آکھیا اے جو پارلیمنٹ اتے جمہوریت دے خلاف ہر سازش کوں ناکام بݨیساں۔ سپیکر قومی اسمبلی آکھیا جو پارلیمنٹ دے خلاف سازش کرݨ آلے اتے آئین دی بالادستی دی ڳالھ کرݨ آلے ناں نہاد لیڈر آپݨے گریبان اچ ݙیکھن، پارلیمنٹ، آئین، قانون اتے امن و امان تے کوئی سمجھوتہ نہ تھیسی، پارلیمنٹ اچ ای بہہ تے پارلیمنٹ دے خلاف سازش کرݨ آلے ریاست پاکستان دے دشمن ہِن، بطور کسٹوڈین پارلیمنٹ دا تحفظ میݙی ذمہ واری اے۔