وزیراعظم محمد شہباز شریف ولوں لکی مروت اچ پولیس موبائل دے نیڑے دہشت گرد حملے دی مذمت

اسلام آباد۔1 دسمبر (اے پی پی) وزیراعظم محمد شہباز شریف لکی مروت اچ پولیس موبائل دے نیڑے تھیوݨ آلے دہشت گرد حملے دی مذمت کیتی اتے دہشت گرداں دے خراب ارادیاں کوں خاک اچ مِلاوݨ دے عزم دا اظہار کیتا۔ سنوار کوں وزیراعظم آفس دے میڈیا ونگ وَلّوں جاری بیان موجب وزیراعظم واقعے اچ شہید تھیوݨ آلے اہلکار کیتے مغفرت اتے لواحقین کیتے صبر تے استقامت دی دعا کیتی۔ وزیراعظم زخمیاں کوں فوری طبی امداد ݙیوݨ دی ہدایت کیتی اتے اُنہاں دی جلدی صحتیابی دی دعا کیتی ۔ اُنہاں آکھیا اے جو معصوم اتے نہتّے شہریاں دے جان و مال دے دشمݨ دہشت گرداں دے مکمل سدباب کیتے حکومت پُرعزم اے۔