اسلام آباد۔2 دسمبر (اے پی پی) انسٹی ٹیوٹ آف سٹریٹجک سٹڈیز اسلام آباد ولوں ڈو ݙیہنہ واری اسلام آباد کانکلیو 2025 جئیں دا عنوان ”تھیمیٹک فوکس: ری امیجننگ ساؤتھ ایشیا: سکیورٹی، اکانومی، کلائمیٹ، کنیکٹیویٹی“ اے، کَلھ (ٻُدھ) کوں شروع تھیسی۔ نائب وزیراعظم اتے وزیر خارجہ سینیٹر محمد اسحاق ڈار افتتاحی اجلاس دے خاص مہمان ہوسن۔ پہلے ورکنگ سیشن توں سابق چیئرمین جوائنٹ چیفس آف اسٹاف کمیٹی جنرل (ر) زبیر محمود …
ڈو ݙیہنہ واری اسلام آباد کانکلیو 2025 کَلھ شروع تھیسی، نائب وزیراعظم محمد اسحاق ڈار افتتاحی سیشن دے خاص مہمان ہوسن
مزید خبراں
اسلام آباد۔2 دسمبر (اے پی پی) انسٹی ٹیوٹ آف سٹریٹجک سٹڈیز اسلام آباد ولوں ڈو ݙیہنہ واری اسلام آباد کانکلیو 2025 جئیں دا عنوان ”تھیمیٹک فوکس: ری امیجننگ ساؤتھ ایشیا: سکیورٹی، اکانومی، کلائمیٹ، کنیکٹیویٹی“ اے، کَلھ (ٻُدھ) کوں شروع تھیسی۔ نائب وزیراعظم اتے وزیر خارجہ سینیٹر محمد اسحاق ڈار افتتاحی اجلاس دے خاص مہمان ہوسن۔ پہلے ورکنگ سیشن توں سابق چیئرمین جوائنٹ چیفس آف اسٹاف کمیٹی جنرل (ر) زبیر محمود حیات کلیدی خطاب کریسن۔ اسلام آباد کانکلیو دے ݙوجھے ورکنگ سیشن توں سینیٹ دی دفاعی کمیٹی دے سابق چیئرمین سینیٹر مشاہد حسین سید سمیت بئے مقررین ڳالھ مہاڑ کریسن، جݙاں جو تریجھے ورکنگ سیشن توں سابق سفیر تہمینہ جنجوعہ کلیدی خطاب کریسن۔ اسلام آباد کانکلیو دے ݙوجھے ݙینہنہ چوتھے ورکنگ سیشن توں سابق چیئرمین سرمایہ کاری بورڈ ہارون شریف کلیدی خطاب کریسن جݙاں جو ایں موقع تے بئے مقررین وی موضوع دی مناسبت نال ڳالھ مہاڑ کریسن۔ پنجویں ورکنگ سیشن توں سابق وزیر خارجہ اتے وزیر دفاع خرم دستگیر خان دا کلیدی خطاب ہوسی۔ چھیکڑی سیشن اچ سیکرٹری خارجہ آمنہ بلوچ خاص مہمان دی حیثیت نال شریک تھیسن۔
