پاکستان کوں آئی ایم ایف توں1.2 ارب ڈالر دی قسط مل ڳئی

اسلام آباد۔ 11 دسمبر (اے پی پی) پاکستان کوں آئی ایم ایف توں1.2 ارب ڈالر دی قسط مل ڳئی اے۔ سٹیٹ بنک توں خمیس کوں جاری بیان موجب بین الاقوامی مالیاتی فنڈ (آئی ایم ایف) دے ایگزیکٹو بور8 دسمبر 2025کوں آپݨے اجلاس وچ توسیعی فنڈ سہولت (ای ایف ایف) دے تحت ݙوجھا جائزہ مکمل کرڳھِدا اَتے پاکستان کیتے760ملین ایس ڈی آر جاری کرݨ دی منظوری ݙے ݙتی۔ ایں دے علاوہ، آئی ایم ایف دے ایگزیکٹو بورڈ آر ایس ایف دے تحت154 ملین ایس ڈی آر دی پہلی قسط جاری کرݨ دی وی منظوری ݙتی۔ ای ایف ایف اَتے آر ایس ایف دے تحت سٹیٹ بینک کوں آئی ایم ایف توں10 دسمبر2025کوں 914ملین ایس ڈی آر (تقریباً1.2 ارب ڈالر دے برابر) مل ڳئن ۔ اے رقم 12 دسمبر2025کوں مُکݨ آلے ہفتے وچ سٹیٹ بینک دے زرِ مبادلہ ذخیرے وچ شامل ہوسی۔