پاکستان دا انڈر 19 ایشیا کپ اچ فاتحانہ آغاز، ملائیشیا کوں 297 رنز توں ہرا ݙتے

دبئی۔ 12 دسمبر(اے پی پی)انڈر 19 ایشیا کپ اچ پاکستان فاتحانہ آغاز کیتے اَتے حریف ملائیشیا کوں 297 رنز دے ریکارڈ وتھی نال ہرا ݙتے۔ دبئی وچ کھیلے ڳئے انڈر 19 ایشیا کپ 2025  دے ݙوڄھے میچ اچ ملائیشیا دی ٹیم پاکستان دے ہدف 346 رنز دے ولدے اچ19.4  وورز اچ صرف 48  رنز تے آئوٹ تھی ڳئی۔ ملائیشین ٹیم ولوں کپتان ݙیاز بیٹرو اَتے محمد اکرم 9، 9 رنز ٻݨا تے ٹاپ سکورر رہے۔ ترائے بلے باز بغیر کھاتہ کھولے ٹُر ڳئے۔ پاکستان ولوں علی رضا اَتے محمد صیام ترائے، ترائے جݙاں جو دانیال علی خان ݙو اَتے نیقاب شفیق ھک کھلاڑی کوں آؤٹ کیتا۔ ایں توں پہلے ملائیشیا ٹاس جیت تے پاکستان کوں پہلے بیٹنگ دی دعوت ݙتی تاں شاہین بلے بازاں مقررہ 50  اوورز اچ 3 وکٹاں دے نقصان تے 345  رنز بݨائے۔ سمیر منہاس 177 رنز دی ناقابل شکست اننگ کھیݙی، انہاں دی جارحانہ اننگ اچ 8 چھکے اتے 11 چوکے شامل ہن۔ احمد حسین وی سنچری مریندے 132 رنذ ٻݨائن اتے ݙوہاں بلے بازاں 293 رنز دی ساڄھے داری ٻݨائی۔ ایونٹ اچ پاکستان اپݨا ݙوڄھا میچ آݙت 14 دسمبر کوں روایتی حریف بھارت نال کھیݙسی۔