اسلام آباد۔ 12 دسمبر (اے پی پی)وفاقی وزیر خزانہ و محصولات سینیٹر محمد اورنگزیب اسلام آباد اچ سٹینڈرڈ چارٹرڈ بینک پاکستان دے بورڈ دے وفد نال ملاقات کیتی۔ وفد دی قیادت بورڈ دے چیئرمین اَتے سینئر ایگزیکٹو آفیسر کرسٹوفر پارسنز کریندے پئے ہن۔ وفد وفاقی وزیر کوں ݙسایا جو بورڈ وݙے عرصے بعد اسلام آباد اچ اجلاس کریندا پئے۔ انہاں بین الاقوامی مالیاتی اداریاں اَتے مارکیٹ دے شریکاں نال …
وزیر خزانہ محمد اورنگزیب دی سٹینڈرڈ چارٹرڈ بینک پاکستان دے وفد نال ملاقات
مزید خبراں
اسلام آباد۔ 12 دسمبر (اے پی پی)وفاقی وزیر خزانہ و محصولات سینیٹر محمد اورنگزیب اسلام آباد اچ سٹینڈرڈ چارٹرڈ بینک پاکستان دے بورڈ دے وفد نال ملاقات کیتی۔ وفد دی قیادت بورڈ دے چیئرمین اَتے سینئر ایگزیکٹو آفیسر کرسٹوفر پارسنز کریندے پئے ہن۔ وفد وفاقی وزیر کوں ݙسایا جو بورڈ وݙے عرصے بعد اسلام آباد اچ اجلاس کریندا پئے۔ انہاں بین الاقوامی مالیاتی اداریاں اَتے مارکیٹ دے شریکاں نال آپݨیاں حالیہ ملاقاتاں توں ملݨ آلا مثبت فیڈبیک سانجھا کیتا جیںدے اچ پاکستان دی بہتر تھیندی معاشی صورتحال دی تعریف کیتی ڳئی ہائی۔ وزیر خزانہ وفد دا خیرمقدم کریندے ہوئیں پاکستان کیتے بالخصوص بین الاقوامی مالیاتی فنڈ نال توسیعی فنڈ سہولت کیتے مذاکرات و نفاذ دے دوران سٹینڈرڈ چارٹرڈ بینک دی مسلسل حمایت دی تعریف کیتی۔ انہاں وفد کوں حکومت دی اصلاحاتی ترجیحاں دا ݙسایا جو کُلّی معیشت دے استحکام کوں برقرار رکھݨ اَتے اوکوں سرمایہ کاری و برآمدات تے مبنی نمو اچ تبدیل کرݨ ضروری اے۔ ملاقات اچ تعاون دے اہم شعبیاں نجکاری، غیر ملکی براہ راست سرمایہ کاری اَتے بین الاقوامی کیپٹل مارکیٹس تئیں رسائی تے ڳالھ مہاڑ کیتی۔ ملاقات اچ فریقین پاکستان دے اصلاحاتی تسلسل کوں برقرار رکھݨ، سرمایہ کاراں دے اعتماد اچ ودھارا کرݨ اَتے پائیدار معاشی ترقی کوں فروغ ݙیوݨ کیتے نیڑے دا رابطہ جاری رکھݨ تے اتفاق کیتا۔
