سہ ملکی سیریز اتے آئی سی سی انڈر 19 ورلڈ کپ کیتے پاکستان ٹیم دا اعلان

اسلام آباد۔18دسمبر(اے پی پی) پاکستان کرکٹ بورڈ (پی سی بی) ترائے ملکی سیریز اتے آئی سی سی انڈر 19 ورلڈ کپ کیتے قومی انڈر 19 کرکٹ ٹیم دا اعلان کر ݙتے۔ فرحان یوسف پاکستان انڈر 19 ٹیم دی قیادت جاری رکھسن۔ قومی انڈر 19 اسکواڈ اچ ہک تبدیلی کیتی گئی اے اتے محمد حذیفہ دی ڄاہ تے عمر زیب کوں ٹیم اچ پاتا ڳئے۔ پاکستان انڈر 19 اسکواڈ اچ کپتان فرحان یوسف، عثمان خان (نائب کپتان)، عبدالسبحان، احمد حسین، علی حسن بلوچ، علی رضا، دانیال علی خان اتے عمر زیب شامل ہن۔ حمزہ ظہور، حذیفہ احسن، مومن قمر، محمد صیّام، محمد شایان، نقاب شفیق اتے سمیر منہاس وی اسکواڈ دا حصہ ہن۔ ترے ملکی سیریز زمبابوے اچ 25 دسمبر توں 6 جنوری تئیں کھیڈی ویسی جیندے اچ پاکستان، افغانستان اتے میزبان زمبابوے شامل ہن۔ آئی سی سی انڈر 19 ورلڈکپ 15 جنوری توں 6 فروری تئیں نمیبیا تے زمبابوے اچ کھیڈیا ویسی۔ ڈوہائیں ٹورنامنٹس 50 اوور فارمیٹ اچ کھیڈے ویسن۔