پی ٹی آئی ولوں انتہائی گھٹیا گفتگو پہلے وی کیتی ڳئی اتے ہݨ وی کیتی ویندی پئی اے، وزیر اطلاعات عطاء اللہ تارڑ دا ردعمل

اسلام آباد۔ 31 دسمبر (اے پی پی) وفاقی وزیر اطلاعات تے نشریات عطاء اللہ تارڑ مشیر اطلاعات خیبر پختونخوا شفیع جان ولوں وزیر اطلاعات پنجاب عظمیٰ بخاری بارے ݙتے ڳئے بیان دی مذمت کریندیں ہوئیں آکھیے جو انتہائی گھٹیا گفتگو پہلے وی کیتی ڳئی اتے ہݨ وی کیتی ویندی پئی اے، مشیر اطلاعات دے عہدے تے بیٹھے شخص دی اے گفتگو کہیں صورت نئی ہووݨی چاہیدی۔ ٻدھ کوں سماجی رابطے دے پلیٹ فارم “ایکس” تے آپݨی ہک پوسٹ اچ وفاقی وزیر اطلاعات آکھیا جو ایں بیان دی مذمت کریندیں ہوئیں میں انھاں لوکاں کوں آکھساں جو آپݨی زبان کوں لڳام ݙیو، بھیݨیں دھیریں دی عزت کرݨ سکھو، نتاں عزت کرواوݨ وی ساکوں آندی اے۔