اسلام آباد۔ 31 دسمبر (اے پی پی) نائب وزیر اعظم اتے وزیر خارجہ سینیٹر محمد اسحاق ڈار چین دے وزیر خارجہ تے کمیونسٹ پارٹی آف چائنا دی پولیٹیکل بیورو دے رکن وانگ یی دی دعوت تے 4 جنوری کوں بیجنگ اچ تھیوݨ آلے پاکستان-چین وزرائے خارجہ سٹریٹجک ڈائیلاگ دے ستویں دور دی سانجھی صدارت کیتے چین دا دورہ کریسن۔ ٻدھ کوں دفتر خارجہ توں جاری بیان موجب وزرائے خارجہ سٹریٹجک …
نائب وزیر اعظم محمد اسحاق ڈار پاکستان چین وزرائے خارجہ سٹریٹجک ڈائیلاگ دے ستویں دور دی مشترکہ صدارت کیتے چین دا دورہ کریسن، دفتر خارجہ
اسلام آباد۔ 31 دسمبر (اے پی پی) نائب وزیر اعظم اتے وزیر خارجہ سینیٹر محمد اسحاق ڈار چین دے وزیر خارجہ تے کمیونسٹ پارٹی آف چائنا دی پولیٹیکل بیورو دے رکن وانگ یی دی دعوت تے 4 جنوری کوں بیجنگ اچ تھیوݨ آلے پاکستان-چین وزرائے خارجہ سٹریٹجک ڈائیلاگ دے ستویں دور دی سانجھی صدارت کیتے چین دا دورہ کریسن۔ ٻدھ کوں دفتر خارجہ توں جاری بیان موجب وزرائے خارجہ سٹریٹجک ڈائیلاگ پاکستان تے چین وچال اعلیٰ ترین مشاورتی فورم اے جیڑھا ݙوپاسہ تعاون دے سارے پہلوواں دے نال نال آپسی دلچسپی دے علاقائی تے بین الاقوامی معاملیاں دا جامع جائزہ گھنݨ کیتے ہک منظم پلیٹ فارم مہیا کریندے۔ ایں مکالمے دے دوران ݙوہیں وزرائے خارجہ 2026 اچ پاکستان تے چین وچال سفارتی تعلقات دی 75 ویں سالگرہ دے موقع تے مختلف اقدامات تے یادگاری سرگرمیاں دا وی اعلان کریسن۔ بیان دے مطابق اے دورہ ݙوہیں ملکاں دے درمیان باقاعدہ اعلیٰ سطحی رابطیاں دا ہک اہم حصہ اے تے “آل ویدر سٹریٹجک کوآپریٹو پارٹنرشپ” کوں ٻیا ودھاوݨ دے سانجھے عزم دی عکاسی کریندے، جݙاں جو علاقائی امن، استحکام تے پائیدار ترقی کیتے آپسی وابستگی دا اعادہ وی کریندے۔
