اسلام آباد۔ 31 دسمبر (اے پی پی) پاکستان یمن وچ تشدد دی ول شدت تے گہری تشویش دا اظہار کریندے کشیدگی وچ کمی تے یمن وچ امن و استحکام برقرار رکھݨ کیتے علاقائی کوششاں دا خیرمقدم کیتے۔ وزارتِ خارجہ توں جاری بیان وچ آکھیا ڳئے جو پاکستان یمن دی وحدت تے علاقائی سالمیت دی حمایت دا اعادہ کریندے، نال ای ملک وچ دیرپا امن و استحکام دے قیام کیتے کیتی …
پاکستان دا یمن وچ تشدد دی ول شدت تے گہری تشویش دا اظہار
اسلام آباد۔ 31 دسمبر (اے پی پی) پاکستان یمن وچ تشدد دی ول شدت تے گہری تشویش دا اظہار کریندے کشیدگی وچ کمی تے یمن وچ امن و استحکام برقرار رکھݨ کیتے علاقائی کوششاں دا خیرمقدم کیتے۔ وزارتِ خارجہ توں جاری بیان وچ آکھیا ڳئے جو پاکستان یمن دی وحدت تے علاقائی سالمیت دی حمایت دا اعادہ کریندے، نال ای ملک وچ دیرپا امن و استحکام دے قیام کیتے کیتی ونڄݨ آلی ساری کوششاں دی تائید کریندے۔ایں سلسلے وچ پاکستان کہیں وی یمنی فریق دی طرفوں ایجھے ہک پاسے اقدامات دی سختی نال مخالفت کریندے جیڑھے صورتحال کوں مزید وگاڑݨ، امن دی کوششاں کوں ضیان پڄاوݨ تے یمن دے نال نال خطے دے امن و استحکام کوں خطرے وچ پاوݨ دا باعث بݨن۔ بیان موجب پاکستان صورتحال وچ کشیدگی گھٹ کرݨ تے یمن وچ امن و استحکام برقرار رکھݨ کیتے علاقائی کوششاں دا خیرمقدم کریندے۔بیان وچ آکھیا ڳئے جو پاکستان مملکت سعودی عرب دے نال مکمل یکجہتی دا اظہار کریندے تے مملکت دی سلامتی کیتے اپݨے عزم دا اعادہ کریندے۔ پاکستان یمن دے مسئلے دے حل کیتے مکالمے تے سفارت کاری دے ذریعے حل دی اپݨی تکڑی حمایت تے ایں امید دا اظہار کریندے جو یمن دے عوام تے علاقائی طاقتاں رل تے جامع تے پائیدار تصفیے دی طرف پیشرفت کریسن تاں جو خطے دے استحکام کوں محفوظ بݨایا ونڄ سڳے۔
