اسلام آباد۔ 31 دسمبر (اے پی پی) وزیراعظم محمد شہباز شریف پاکستان تے سعودی عرب وچال ݙو پاسے تعلقات تے اطمینان دا اظہار کریندے پراݨے برادرانہ تعلقات کوں مزید ودھاوݨ کیتے اپݨے مضبوط عزم دا اعادہ کیتے۔ وزیراعظم دفتر دے میڈیا ونگ توں جاری بیان موجب وزیراعظم محمد شہباز شریف نال پاکستان وچ سعودی عرب دے سفیر نواف بن سعید احمد المالکی وزیراعظم ہاؤس وچ ملاقات کیتی۔ وزیراعظم خادم حرمین …
وزیراعظم شہباز شریف نال سعودی سفیر دی ملاقات
اسلام آباد۔ 31 دسمبر (اے پی پی) وزیراعظم محمد شہباز شریف پاکستان تے سعودی عرب وچال ݙو پاسے تعلقات تے اطمینان دا اظہار کریندے پراݨے برادرانہ تعلقات کوں مزید ودھاوݨ کیتے اپݨے مضبوط عزم دا اعادہ کیتے۔ وزیراعظم دفتر دے میڈیا ونگ توں جاری بیان موجب وزیراعظم محمد شہباز شریف نال پاکستان وچ سعودی عرب دے سفیر نواف بن سعید احمد المالکی وزیراعظم ہاؤس وچ ملاقات کیتی۔ وزیراعظم خادم حرمین شریفین شاہ سلمان بن عبدالعزیز آل سعود تے سعودی عرب دے وزیراعظم و ولی عہد شہزادہ محمد بن سلمان بن عبدالعزیز آل سعود کیتے نیک خواہشات دا اظہار کیتا۔انھاں ولی عہد شہزادہ محمد بن سلمان دا پاکستان دی حمایت تے شکریہ ادا کیتا جیندی بدولت ݙوہیں ملک ہک ٻئے دے مزید نیڑے آئے۔ وزیراعظم ایں سال دے دوران ولی عہد شہزادہ محمد بن سلمان نال اپݨی ملاقاتاں دا ذکر کیتا جیڑھیاں جو ٻہوں نتیجہ خیز رہیاں تے پاک سعودی ݙوطرفہ تعلقات کوں نویں سطح تئیں پڄاوݨ وچ اہم کردار ادا کیتا۔ انھاں ضرورت ویلھے سعودی عرب دی طرفوں پاکستان دی مسلسل حمایت تے علاقائی امن و استحکام دے ودھارے وچ ایندے تعمیری کردار دی وی تعریف کیتی۔ سعودی سفیر مملکت سعودی عرب دی پاکستان نال سانجھی دلچسپی دے سارے شعبیں وچ تعاون ودھاوݨ دی خواہش دا اعادہ کیتا۔
