اسلام آباد۔ 1 جنوری (اے پی پی) پاکستان تے بھارت جوہری تنصیبات تے سہولتاں دی فہرستاں دا سالانہ بنیاداں تے تبادلہ کرڳھدے، اے تبادلہ پاکستان تے بھارت وچال جوہری تنصیبات تے سہولتاں تے حملیں دی ممانعت دے معاہدے دے تحت کیتا ڳئے۔ وزارتِ خارجہ توں جاری بیان موجب ݙوہیں ملکاں ہک ٻئے کوں جوہری تنصیبات دی تفصیلات ݙتن۔پاکستان وچ موجود جوہری تنصیبات دی فہرست اسلام آباد وچ قائم بھارتی ہائی …
پاکستان تے بھارت دا جوہری تنصیبات تے سہولتاں دی فہرستاں دا سالانہ بنیاداں تے تبادلہ
اسلام آباد۔ 1 جنوری (اے پی پی) پاکستان تے بھارت جوہری تنصیبات تے سہولتاں دی فہرستاں دا سالانہ بنیاداں تے تبادلہ کرڳھدے، اے تبادلہ پاکستان تے بھارت وچال جوہری تنصیبات تے سہولتاں تے حملیں دی ممانعت دے معاہدے دے تحت کیتا ڳئے۔ وزارتِ خارجہ توں جاری بیان موجب ݙوہیں ملکاں ہک ٻئے کوں جوہری تنصیبات دی تفصیلات ݙتن۔پاکستان وچ موجود جوہری تنصیبات دی فہرست اسلام آباد وچ قائم بھارتی ہائی کمیشن دے ہک نمائندے دے حوالے کیتی ڳئی، جݙاں جو ایں ویلھے بھارتی وزارتِ خارجہ بھارت دی جوہری تنصیبات دی فہرست نویں دہلی وچ قائم پاکستان ہائی کمیشن دے نمائندے کوں ݙتی۔ بیان موجب اے معاہدہ 31 دسمبر 1988 کوں طے پاتا ہئی تے 27 جنوری 1991 کوں نافذ تھیا ہئی، جݙاں جو ݙوہیں ملک یکم جنوری 1992 توں باقاعدگی نال انھاں فہرستاں دا تبادلہ کریندے پئن۔
