اسلام آباد۔ 1 جنوری (اے پی پی) نائب وزیراعظم تے وزیرخارجہ سینیٹر محمد اسحاق ڈار اقتصادی انتظامی اصلاحات متعلق کمیٹی دے پہلے اجلاس دی صدارت کیتی۔ نائب وزیراعظم دے دفتر توں جاری بیان موجب اجلاس وچ توانائی، سماجی شعبے تے گورننس سودھے مختلف شعبیں وچ حکومت دے جامع اقتصادی منصوبیں دے نفاذ کیتے اڳلے لائحہ عمل تے غور کیتا ڳئے۔ایں سلسلے وچ منصوبہ بندی کمیشن تے ٻیاں وزارتاں دے کردار …
نائب وزیراعظم اسحاق ڈار دی زیرِ صدارت اقتصادی انتظامی اصلاحات متعلق کمیٹی دا اجلاس
اسلام آباد۔ 1 جنوری (اے پی پی) نائب وزیراعظم تے وزیرخارجہ سینیٹر محمد اسحاق ڈار اقتصادی انتظامی اصلاحات متعلق کمیٹی دے پہلے اجلاس دی صدارت کیتی۔ نائب وزیراعظم دے دفتر توں جاری بیان موجب اجلاس وچ توانائی، سماجی شعبے تے گورننس سودھے مختلف شعبیں وچ حکومت دے جامع اقتصادی منصوبیں دے نفاذ کیتے اڳلے لائحہ عمل تے غور کیتا ڳئے۔ایں سلسلے وچ منصوبہ بندی کمیشن تے ٻیاں وزارتاں دے کردار تے تفصیلی ڳالھ مہاڑ کیتی ڳئی۔ نائب وزیر اعظم انھاں شعبیں تے توجہ ݙیوݨ دی اہمیت تے زور ݙتا جیڑھے تکھے تے جامع اقتصادی ترقی کیتے مددگار ثابت تھی سڳدن۔ اجلاس وچ وزیر منصوبہ بندی احسن اقبال، طارق باجوہ، سکریٹری منصوبہ بندی تے ٻئے اعلیٰ حکام شرکت کیتی، جݙاں جو وزیرخزانہ تے وزیرِ موسمیاتی تبدیلی ویڈیو لنک دے ذریعے شریک تھئے۔
