نائب وزیراعظم / وزیرخارجہ محمد اسحاق ڈار بیجنگ روانہ

اسلام آباد۔ 3 جنوری (اے پی پی) نائب وزیراعظم تے وزیرخارجہ سینیٹر محمد اسحاق ڈار 4 جنوری 2026 کوں چین دے وزیر خارجہ وانگ یی دے رلے 7 ویں پاک چین وزرائے خارجہ سٹریٹجک ڈائیلاگ دی سانجھی صدارت کیتے بیجنگ روانہ تھی ڳئن۔ دفترِ خارجہ موجب نائب وزیراعظم چینی وزیر خارجہ دی دعوت تے 2026 وچ چین دا دورہ کرݨ آلے پہلے غیر ملکی رہنما ہن۔ اے ڈائیلاگ ݙوطرفہ تعاون دے مکمل دائرہ کار دا جائزہ گھنسی، شراکت داری دے نویں شعبیں دی نشاندہی کریسی تے پاکستان تے چین دے وچال ہمہ موسمی سٹریٹجک کوآپریٹو پارٹنرشپ کوں مزید اڳوں ودھیسی