اسلام آباد۔ 3 جنوری (اے پی پی) صدرِ مملکت آصف علی زرداری پاک فضائیہ دی طرفوں مقامی طور تے تیار کیتے ڳئٖ "تیمور ویپن سسٹم" دے کامیاب تجربے تے خراجِ تحسین پیش کیتے۔ ایوانِ صدر دے میڈیا ونگ توں جاری بیان موجب صدرِ مملکت آکھیا جو مقامی سطح تے جدید ہتھیاراں دی تیاری قومی صلاحیت، عزم تے ادارہ جاتی مہارت دی واضح عکاس اے۔ انھاں آکھیا جو پاک فضائیہ دی …
صدرِ مملکت آصف علی زرداری دا پاک فضائیہ دی طرفوں مقامی طور تے تیار کیتے ڳئے “تیمور ویپن سسٹم” دے کامیاب تجربے تے خراجِ تحسین
اسلام آباد۔ 3 جنوری (اے پی پی) صدرِ مملکت آصف علی زرداری پاک فضائیہ دی طرفوں مقامی طور تے تیار کیتے ڳئٖ “تیمور ویپن سسٹم” دے کامیاب تجربے تے خراجِ تحسین پیش کیتے۔ ایوانِ صدر دے میڈیا ونگ توں جاری بیان موجب صدرِ مملکت آکھیا جو مقامی سطح تے جدید ہتھیاراں دی تیاری قومی صلاحیت، عزم تے ادارہ جاتی مہارت دی واضح عکاس اے۔ انھاں آکھیا جو پاک فضائیہ دی ایں کامیابی نال ملکی دفاع مزید مضبوط تے خطے وچ استحکام کیتے پاکستان دی ذمہ دارانہ دفاعی پالیسی کوں تقویت ملی اے۔ صدرِ مملکت آصف علی زرداری ایں کامیابی کوں قومی دفاع وچ خود انحصاری دے سفر وچ ہک اہم پیش رفت قرار ݙیندے سائنسداناں، انجینئرز تے پاک فضائیہ دے افسراں و جواناں دی محنت، پیشہ ورانہ لگن تے قومی خدمت دے جذبے دی تعریف کیتی ۔ صدر آصف علی زرداری آکھیا جو دفاعی شعبے وچ جدید ٹیکنالوجی دا ودھارا پاکستان دی سلامتی تے خودمختاری دے تحفظ دے عزم دا اظہار اے
