اسلام آباد۔ 4 جنوری (اے پی پی) نائب وزیرِاعظم تے وزیرِ خارجہ اسحاق ڈار چین دے وزیرِ خارجہ وانگ یی دی دعوت تے بیجنگ دا دورہ کیتا تے پاکستان۔چین وزرائے خارجہ دے سٹریٹجک ڈائیلاگ دے ستویں دور دی سانجھی صدارت کیتی۔ دفترِ خارجہ توں جاری بیان موجب ݙوہیں فریقین پاکستان تے چین دے تعلقات دے سارے پہلوواں دا جامع جائزہ ڳھدا تے علاقائی و عالمی سطح دے اہم امور تے …
اسحاق ڈار دی چینی وزیرِخارجہ رلے پاکستان۔چین وزرائے خارجہ سٹریٹجک ڈائیلاگ دے ستویں دور دی سانجھی صدارت
اسلام آباد۔ 4 جنوری (اے پی پی) نائب وزیرِاعظم تے وزیرِ خارجہ اسحاق ڈار چین دے وزیرِ خارجہ وانگ یی دی دعوت تے بیجنگ دا دورہ کیتا تے پاکستان۔چین وزرائے خارجہ دے سٹریٹجک ڈائیلاگ دے ستویں دور دی سانجھی صدارت کیتی۔ دفترِ خارجہ توں جاری بیان موجب ݙوہیں فریقین پاکستان تے چین دے تعلقات دے سارے پہلوواں دا جامع جائزہ ڳھدا تے علاقائی و عالمی سطح دے اہم امور تے ڳالھ مہاڑ کیتی۔ سی پیک (CPEC)، تجارت، کثیرالجہتی تعاون تے عوامی رابطے دے ودھارے سانڳے تفصیلی ڳالھ مہاڑ کیتی ڳئی۔ ݙوہیں پاسوں سٹریٹجک تعاون تے مبنی شراکت داری دی اہمیت کوں اجاگر کریندے ایں ڳالھ دا اعادہ کیتا ڳیا جو پاکستان تے چین دی دوستی خطے تے ݙوہیں ملکاں کیتے امن، استحکام تے خوشحالی کیتے ٻہوں اہم اے۔ کثیرالجہتی فورمز تے سانجھی ہم آہنگی کوں مزید مضبوط بݨاوݨ تے وی اتفاق کیتا ڳیا۔ ݙوہیں رہنماواں پاکستان تے چین وچال سفارتی تعلقات دے قیام دی 75 ویں سالگنڈھ شایانِ شان انداز وچ مناوݨ تے وی اتفاق کیتا۔
